பென் ஸ்டோக்ஸிற்கு குறி வைத்து காத்திருக்கும் மூன்று முக்கிய அணிகள் !! - Page 3 of 3

2022 ஐபிஎல் தொடருக்கான ஏலம் இன்னும் சில வாரங்களில் நடைபெற இருப்பதால் தங்களுக்கு தேவைப்படும் வீரர்களை தேர்ந்தெடுப்பதில் ஒவ்வொரு அணியும் மிகவும் மும்முரமாக செயல்பட்டு வருகிறது. அந்த வகையில் 2021 ஐபிஎல் தொடரில் ராஜஸ்தான் ராயல்ஸ் அணிக்காக ஒரே ஒரு போட்டியில் மட்டும் விளையாடிய பென் ஸ்டோக்ஸ் காயம் காரணமாக இனி விளையாட முடியாது என்று தற்காலிக ஓய்வு அறிவித்து இருந்தார். இதன் காரணமாக ராஜஸ்தான் ராயல்ஸ் அணி இவரை 2022 ஐபிஎல் தொடரில் தக்கவைக்கவில்லை. இந்நிலையில் வருகிற 2022 ஐபிஎல் தொடருக்கான ஏலத்தில் இவரை இந்த மூன்று அணிகள் நிச்சயம் டார்கெட் செய்யும் என்று எதிர்பார்க்கப்படுகிறது. அப்படிப்பட்ட மூன்று அணிகள் குறித்து இங்கு காண்போம் மும்பை இந்தியன்ஸ் ஐந்து முறை கோப்பையை வென்ற ரோஹித் சர்மா தலைமையிலான மும்பை இந்தியன்ஸ் அணி வருகிற 2022 ஐபிஎல் தொடரில் ஹார்திக் பாண்டியா போன்ற ஒரு சிறந்த ஆல்ரவுண்டரை தனது அணியிலிருந்து விடுவித்து விட்டது. இதன் காரணமாக உலகின் தலைசிறந்த ஆல்ரவுண்டரான இங்கிலாந்து அணியின் நட்சத்திர வீரர் பென் ஸ்டோக்ஸை வருகிற 2022 ஐபிஎல் தொடருக்கான ஏலத்தில் மும்பை இந்தியன்ஸ் அணி டார்கெட் செய்யும் என்று எதிர்பார்க்கப்படுகிறது. சன்ரைசர்ஸ் ஹைதராபாத் 2022 ஐபிஎல் தொடருக்கான சன்ரைசர்ஸ் ஹைதராபாத் அணியிலிருந்து டேவிட் வார்னர், ரஷித் கான் மற்றும் முகமது நபி போன்ற வீரர்களை அந்த அணி விடுவித்து விட்டது. இதன் காரணமாக பேட்டிங் மற்றும் பந்து வீச்சு ஆகிய இரண்டிலும் மிகச் சிறந்த முறையில் விளையாடும் திறமை படைத்த பென் ஸ்டோக்ஸ் போன்ற ஒரு வெளிநாட்டு வீரரை ஹைதராபாத் அணி தனது அணியில் இணைப்பதற்கான அனைத்து திட்டங்களையும் தீட்டும் என்று எதிர்பார்க்கப்படுகிறது. பஞ்சாப் கிங்ஸ் இங்கிலாந்து அணியின் நட்சத்திர வீரர் பென் ஸ்டோக்ஸை டார்கெட் செய்யும் அணிகளில் பஞ்சாப் கிங்ஸ் அணியும் பிரதானமான ஒரு அணியாக பார்க்கபடுகிறது. ஏனென்றால் பஞ்சாப் அணி மாயங்க் அகர்வால் மற்றும் அர்ஷ்திப் சிங் ஆகிய இரு வீரர்களை மட்டுமே அணியில் தக்கவைத்துள்ளது,இதன் காரணமாகவே பஞ்சாப் கிங்ஸ் அணி பென் ஸ்டோக்ஸை தனது அணியில் இணைக்க முயற்சி செய்யும் என்று எதிர்பார்க்கபடுகிறது

Leave a comment