ரஹானே, தவான் பத்தி தெரியாது… ஆனால் இந்த பையன் இந்திய அணியில் இடம் பிடிப்பது உறுதி; ஹர்பஜன் சிங் ஆரூடம்
நிச்சயம் இந்த வருடம் இந்திய அணிக்காக வருண் சக்கரவர்த்தி இடம் பிடிப்பார் என இந்திய அணியின் முன்னாள் வீரர் ஹர்பஜன் சிங் தெரிவித்துள்ளார்.
2021 ஐபிஎல் தொடரில் சிறப்பாக செயல்பட்டதன் மூலம் இந்திய அணிக்கு தேர்வான வருண் சக்கரவர்த்தி, சர்வதேச கிரிக்கெட் போட்டியில் சொல்லிக் கொள்ளும் அளவிற்கு சிறப்பாக செயல்படவில்லை.
இருந்தாலும் இவர் மீது அதிக நம்பிக்கை வைத்து 2022 உலகக் கோப்பை தொடருக்கான இந்திய அணியில் தேர்வாளர்கள் வாய்ப்பளித்தனர். ஆனால் இவர் மோசமான பந்துவீச்சின் மூலம் இனிமேல் இந்திய அணியில் விளையாடும் வாய்ப்பே கிடைக்காதபடி செய்து விட்டார் என ஒட்டுமொத்த கிரிக்கெட் உலகமும் பேசியது.
கம்பேக் கொடுத்த வருன் சக்கரவர்த்தி…
ஆனால் அதையெல்லாம் பொருட்படுத்தாமல் தன்னுடைய பயிற்சியில் அதிக கவனம் செலுத்தி நடப்பு ஐபிஎல் தொடரில் நிதிஷ் ராணா தலைமையிலான கொல்கத்தா அணியின் நட்சத்திர வீரராக வலம் வரும் வருன் சக்கரவர்த்தி.,இதுவரை 11 ஐபிஎல் போட்டிகளில் விளையாடி 17 விக்கெட்களை வீழ்த்தி,2023 ஐபிஎல் தொடரில் அதிக விக்கெட்களை வீழ்த்தும் பந்துவீச்சாளர்களின் வருசையில் இடம்பெற்றுள்ளார்.
இதனால் வருன் சக்கரவர்த்தியை பாராட்டியும் அவர் மீண்டும் இந்திய அணியில் இடம்பிடிப்பார் என்றும் முன்னாள் வீரர்கள் கிரிக்கெட் வல்லுனர்கள் செய்தியாளர் சந்திப்பின் வாயிலாக பேசி வருகின்றனர்.
அந்த வகையில் இந்திய அணியின் முன்னாள் வீரர் ஹர்பஜன் சிங்., கொல்கத்தா நைட் ரைடர்ஸ் அணியின் நட்சத்திர சுழற் பந்துவீச்சாளர் வருன் சக்கரவர்த்தி, நிச்சயம் இந்திய அணியில் இடம் பிடிப்பார் என செய்தியாளர்களுக்கு பேட்டியின் வாயிலாக தெரிவித்துள்ளார்.
இது குறித்து ஹர்பஜன் சிங் தெரிவித்ததாவது.,“நான் கொல்கத்தா நைட் ரைடர்ஸ் அணியில் வருன் சக்கரவர்த்தியுடன் விளையாடிய போது, வருன் சக்கரவர்த்தியின் முட்டியில் பலத்த காயம் ஏற்பட்டிருந்தது, அந்த வலியால் அவர் ஊசியின் மூலம் மருந்து எடுப்பார் மேலும் முட்டியில் ஐஸ் பேக்கிங் மூலம் ஒத்தடம் கொடுத்து கொண்டே இருப்பார், இருந்தாலும் அதனை எல்லாம் பொருட்படுத்தாமல் மிக சிறப்பாகவே பந்து வீசினார். அவர் இந்திய அணிக்கு தேர்வான பொழுது அவருடைய முட்டி நிலைமை மிகவும் மோசமாக இருந்தது, உடல் எடை காரணமாக அவருடைய முட்டி வலியின் தாக்கம் மிகவும் அதிகமாக இருந்தது. ஆனால் தற்பொழுது நான் அவரிடம் பேசிய பொழுது அவருக்கு முட்டியில் ஏற்பட்ட பிரச்சனை சரியாகிவிட்டதாகவும் தன்னுடைய உடல் எடையை அவர் குறைத்துவிட்டதாகவும் தெரிவித்தார். இதனால் தற்பொழுது அவர் பந்துவீச்சிலும் ஃபீல்டிங்கிலும் சிறப்பாக செயல்பட முடிவதை நம்மால் காண முடிகிறது, இதனால் நிச்சயம் அவர் மீண்டும் இந்திய அணியில் தேர்வாவதற்கு அதிகப்படியான வாய்ப்புகள் உள்ளது” என வருன் சக்கரவர்த்தி குறித்து ஹர்பஜன் சிங் தெரிவித்திருந்தது குறிப்பிடத்தக்கது.