மீண்டும் டாஸை இழந்த ருத்துராஜ் கெய்க்வாட்… ரச்சின் ரவீந்திரா நீக்கம்; லக்னோவிற்கு எதிராக முதலில் பேட்டிங் செய்யும் சென்னை சூப்பர் கிங்ஸ்
சென்னை சூப்பர் கிங்ஸ் அணிக்கு எதிரான போட்டியில் டாஸ் வென்றுள்ள லக்னோ அணி முதலில் பந்துவீச்சை தேர்வு செய்துள்ளது.
17வது ஐபிஎல் தொடரின் 39வது போட்டியில் சென்னை சூப்பர் கிங்ஸ் அணியும், லக்னோ சூப்பர் ஜெயிண்ட்ஸ் அணியும் மோதுகின்றன.
சென்னை சேப்பாக்கம் மைதானத்தில் நடைபெறும் இந்த போட்டியில் டாஸ் வென்றுள்ள லக்னோ சூப்பர் ஜெயிண்ட்ஸ் அணியின் கேப்டனான கே.எல் ராகுல் முதலில் பந்துவீச்சை தேர்வு செய்துள்ளார்.
லக்னோ அணியுடனான இந்த போட்டிக்கான சென்னை சூப்பர் கிங்ஸ் அணியின் ஆடும் லெவனில் ஒரு மாற்றம் செய்யப்பட்டுள்ளது. ரச்சின் ரவீந்திரா ஆடும் லெவனில் இருந்து நீக்கப்பட்டு டேரியல் மிட்செல் மீண்டும் ஆடும் லெவனில் சேர்க்கப்பட்டுள்ளார்.
அதே வேளையில், கே.எல் ராகுல் தலைமையிலான லக்னோ சூப்பர் ஜெயிண்ட்ஸ் அணி தனது ஆடும் லெவனில் எவ்வித மாற்றமும் செய்யவில்லை. கடந்த போட்டியில் விளையாடிய அதே வீரர்களே சென்னை அணியுடனான போட்டிக்கான ஆடும் லெவனிலும் இடம்பெற்றுள்ளனர்.
சென்னை சூப்பர் கிங்ஸ் அணியின் ஆடும் லெவன்;
ரஹானே, ருத்துராஜ் கெய்க்வாட், டேரியல் மிட்செல், மொய்ன் அலி, சிவம் துபே, ரவீந்திர ஜடேஜா, தோனி, தீபக் சாஹர், துசார் தேஸ்பாண்டே, முஸ்தபிசுர் ரஹ்மான், மதீஷா பதிரானா.
லக்னோ அணியின் ஆடும் லெவன்;
குவிண்டன் டி காக், கே.எல் ராகுல், மார்கஸ் ஸ்டோய்னிஸ், தீபக் ஹூடா, நிக்கோலஸ் பூரண், ஆயூஸ் பதோனி, க்ரூணல் பாண்டியா, மாட் ஹென்ரி, ரவி பிஸ்னோய், மொஹ்சின் கான், யஸ் தாகூர்.