ஐபிஎல் டி.20 தொடர்; அதிக சதம் அடித்து சாதனை படைத்த டாப் 5 வீரர்கள் !! - Page 4 of 5

2022 ஐபிஎல் தொடர் மார்ச் மாத இறுதியில் நடைபெறும் என்று அறிவித்து விட்டதால் ஐபிஎல் தொடர் சம்பந்தமான கருத்துக்கள் அதிகமாகப் பேசப்பட்டு வருகிறது. இந்த நிலையில் ஐபிஎல் தொடரில் அதிக சதங்கள் அடித்த 5 வீரர்கள் பற்றி இங்கு காண்போம். ஏபி டிவிலியர்ஸ் தென்ஆப்பிரிக்க அணியின் முன்னாள் வீரர் ஏபி டிவில்லியர்ஸ் ஐபிஎல் தொடரில் தனக்கென ஒரு தனி ரசிகர்கள் பட்டாளமே வைத்திருந்தார். அந்த அளவிற்கு பேட்டிங்கில் அபாரமாக விளையாட கூடிய திறமை படைத்தவர் ஐபிஎல் தொடரில் ஒட்டுமொத்தமாக 3 சதங்களும் 40 அரை சதங்களும் அடித்துள்ளார். 2021 ஐ பி எல் தொடருக்குப் பின் ஐபிஎல் தொடரில் இருந்து ஓய்வு அறிவித்த ஏபி டிவில்லியர்ஸ் ஐபிஎல் தொடரில் அதிக சதங்கள் அடித்த வீரர் என்ற வரிசையில் ஐந்தாவது இடத்தில் உள்ளார். ஷேன் வாட்சன் ஆஸ்திரேலிய அணியின் முன்னாள் ஆல்ரவுண்டர் ஷேன் வாட்சன் ஐபிஎல் தொடரில் மொத்தம் 145 போட்டிகளில் பங்கேற்று 3874 ரன்கள் அடித்து அசத்தியுள்ளார், அதில் 4 சதங்களும் 21 அரை சதங்களும் அடங்கும். இதன்மூலம் ஷேன் வாட்சன் ஐபிஎல் தொடரில் அதிக சதங்கள் அடித்த நாலாவது வீரர் என்ற இடத்தை பிடித்துள்ளார். டேவிட் வார்னர் ஐபிஎல் தொடரில் அதிக சதங்கள் அடித்த வீரர் என்ற வரிசையில் 3வது இடத்தை பிடித்திருக்கும் டேவிட் வார்னர் மொத்தமாக நான்கு சதங்களும் 40 அரை சதங்களும் அடித்துள்ளார். இதுவரை 150 ஐபிஎல் போட்டிகளில் பங்கேற்று விளையாடி உள்ள டேவிட் வார்னர் 5000+ மேற்பட்ட ரன்களை குவித்துள்ளார். இன்னும் சில ஆண்டுகள் டேவிட் வார்னர் ஐபிஎல் தொடரில் விளையாடுவார் என்பதால் மேலும் பல சதங்கள் அடிப்பதற்கு வாய்ப்புள்ளது என்று எதிர்பார்க்கப்படுகிறது. விராட் கோலி ராயல் சேலஞ்சர்ஸ் பெங்களூர் அணியின் முன்னாள் கேப்டன் விராட் கோலி ஐபிஎல் தொடரில் அதிக சதம் அடித்த வீரர் என்ற வரிசையில் இரண்டாம் இடத்தை பிடித்துள்ளார். 207 ஐபிஎல் போட்டிகளில் பங்கேற்று ஆறாயிரத்திற்கும் மேற்பட்ட ரன்களை அடித்த விராட் கோலி இதுவரை 5 சதங்கள் 42 அரை சதங்களும் அடித்துள்ளார். இவர் இன்னும் அதிக சதங்கள் அடிப்பார் என்று கிரிக்கெட் வல்லுனர்கள் கருதுகின்றனர். கிறிஸ் கெய்ல் வெஸ்ட் இண்டீஸ் அணியின் அதிரடி வீரர் கிறிஸ் கெய்ல் ஐபிஎல் தொடரில் 146 போட்டிகளில் பங்கேற்று 4965 ரன்கள் அடித்து அசத்தியுள்ளார். அதில் ஆறு சதங்களும் முப்பத்தி ஒரு அரை சதங்களும் அடங்கும். இதன் மூலம் ஐபிஎல் தொடரில் அதிக சதம் அடித்த வீரர் என்ற வரிசையில் முதலிடத்தில் உள்ளார்.

Leave a comment