ஐபிஎல் தொடரில் இருந்து தற்போது வரை வெளியேறிய வீரர்கள் மற்றும் அவர்களுக்கான மாற்று வீரர்களின் பட்டியல்!!

ஐபிஎல் தொடரில் இருந்து தற்போது வரை வெளியேறிய வீரர்கள் மற்றும் அவர்களுக்கான மாற்று வீரர்களின் பட்டியல்!! எப்படியோ இன்னும் 2 வாரத்தில் ஐபிஎல் தொடர் நடக்க இருக்கிறது. அதற்கான அட்டவணையும் அறிவிக்கப்பட்டுவிட்டது. முதல் போட்டியில் வழக்கம் போல் சென்னை சூப்பர் கிங்ஸ் மற்றும் மும்பை இந்தியன்ஸ் அணிகள் மோதுகின்றன. இந்த வருடம் பல பிரச்சனைகள் இருந்தாலும் வீரர்களுக்கும் மனரீதியான பிரச்சனைகள் இருந்து கொண்டுதான் இருக்கிறது. பல வீரர்கள் தங்களது சொந்த காரணங்களுக்காக ஐபிஎல் தொடரில் இருந்து வெளியேறி கொண்டிருக்கிறார்கள். தற்போது இந்த வருட ஐபிஎல் தொடரில் தற்போது வரை விலகிய வீரர்களின் பட்டியல் மற்றும் அவர்களுக்கான மாற்று வீரர்களின் பட்டியலை பார்ப்போம் ஹர்பஜன்சிங் இவர் சென்னை சூப்பர் கிங்ஸ் வீரர் ஆவார். கடந்த இரண்டு வருடமாக சென்னை சூப்பர் கிங்ஸ் அணிக்காக விளையாடி வருகிறார். 40 வயதான இவர் ஐபிஎல் தொடரில் இருந்து வெளியேறிவிட்டார். இதனை சமீபத்தில் தனது ட்விட்டர் பக்கத்தில் அறிவித்து இருந்தார். இவருக்கான மாற்று வீரரை தற்போது வரை இன்னும் அறிவிக்கவில்லை. லசித் மலிங்கா ஐபிஎல் தொடரில் அதிக விக்கெட் வீழ்த்திய ஜாம்பவான் வீரர்.. மும்பை இந்தியன்ஸ் அணியின் மிகவும் முக்கியமான பந்துவீச்சாளர். திடீரென தனது சொந்த காரணங்களுக்காக ஐபிஎல் தொடரில் இருந்து வெளியேறி விட்டார். உடனடியாக ஆஸ்திரேலியாவின் வேகப்பந்து வீச்சாளர் ஜேம்ஸ் பேட்டின்சன் இவருக்கு மாற்று வீரராக வரவழைக்கப்பட்டு இருக்கிறார். Hyderabad: Mumbai Indians (MI) player Keiron Pollard lifts Lasith Malinga on his shoulders as they celebrate their win over Chennai Super Kings (CSK) at the Indian Premier League 2019 final cricket match at Rajiv Gandhi International Cricket Stadium in Hyderabad, Sunday, May 12, 2019. (PTI Photo/R Senthil Kumar)(PTI5_12_2019_000398B) சுரேஷ் ரெய்னா முதன்முதலாக ஐபிஎல் தொடரில் இருந்து சொந்த காரணங்களுக்காக வெளியேறியவர். அணி நிர்வாகம் தற்போது வரை இவருடன் பேச்சுவார்த்தை நடந்து கொண்டிருக்கிறது. ஆனால் இந்த வருடம் ஐபிஎல் தொடரில் இவர் ஆடுவது சந்தேகம்தான் என்று தெரியவந்துள்ளது. இவருக்கான மாற்று வீரரை தற்போதுவரை சிஎஸ்கே நிர்வாகம் அறிவிக்கவில்லை. ஜேசன் ராய் இங்கிலாந்து அணியின் அதிரடி வீரர் டெல்லி கேப்பிடல் அணிக்காக ஆடி வருகிறார். இவருக்கு முழங்காலில் காயம் ஏற்பட்டுள்ளது. இதன் காரணமாக ஐபிஎல் தொடரில் இருந்து முற்றிலுமாக வெளியேறி விட்டார். இப்படி இருந்தும் இவர் காண மாற்று வீரர் தற்போது வரை அறிவிக்கப்படவில்லை. கிறிஸ் வோக்ஸ் இங்கிலாந்து அணியின் ஆல் ரவுண்டர். இவரும் டெல்லி கேப்பிடல் சார்பாக இந்த வருடம் ஆட தேர்வு செய்யப்பட்டிருந்தார். இதற்கு முன்னதாக ராயல் சாலஞ்சர்ஸ் பெங்களூர் மற்றும் கொல்கத்தா நைட் ரைடர்ஸ் அணிக்காக விளையாடியவர். இவருக்கு தோள்பட்டை காயம் ஏற்பட்டுள்ளது காரணமாக ஐபிஎல் தொடரில் இருந்து வெளியேறி விட்டார். கேன் ரிச்சர்ட்சன் இவர் ஆஸ்திரேலிய அணியின் வேகப்பந்து வீச்சாளர் ஆவார். இந்த வருடம் ராயல் சேலஞ்சர்ஸ் பெங்களூர் அணிக்காக விளையாட தயாராகிக் கொண்டிருந்தார். ஆனால் இவருக்கு முதல் குழந்தை இந்த வருடம் பிறக்கப் போகிறது. இதன் காரணமாக ஐபிஎல் தொடரில் இருந்து வெளியேறிவிட்டார். இதற்கு பதிலாக ஆஸ்திரேலியாவின் சுழற்பந்துவீச்சாளர் ஆடம் சாம்பா தேர்வு செய்யப்பட்டிருக்கிறார்.

Leave a comment