தனது நாட்டிற்க்காக முதல் விக்கெட் வீழ்த்திய வீரர்கள்.. இந்தியா முதல் ஆப்கானிஸ்தான் வரை - Page 7 of 12

ஒவ்வொரு வீரரும் தனது அணிக்காக விளையாட விரும்புவர். அவர்களது கனவும் அதுவாகவே இருக்கும். ஆனால் தனது அணி முதல் முறை டெஸ்ட் அந்தஸ்து பெற்ற பிறகு ஆடும் முதல் போட்டி என்றால் சிறப்பு தான். அதுவும் முதல் போட்டியில் அணியில் இடம் பெற்று அணிக்காக முதல் விக்கெட் வீழ்த்தினால் வரலாற்று சிறப்பு தானே. 12வது அணியாக டெஸ்ட் போட்டியில் ஆடுவதற்கு அந்தஸ்து பெற்ற ஆப்கானிஸ்தான் அணி, இந்தியாவுடன் தனது முதல் டெஸ்ட் போட்டியை ஆடி வருகிறது. ஜூன் 14 முதல் 18 வரை நடக்கும் போட்டியில் முதன் நாளில் இந்திய அணி டாஸ் வென்று பேட்டிங் செய்ய முடிவு செய்தது. முதலில் களம் இறங்கிய இந்திய துவக்க வீரர்கள் ஷிகர் தவான், முரளி விஜய் இருவரும் சதம் விளாசினார். அதிரடியாக ஆடிய ஷிகர் தவான் 97 பந்துகளில் 107 ரன்கள் விளாசி அவுட் ஆனார். இவர் ஒரு சேஷனில் சதம் விளாசிய முதல் இந்தியர் எந்த சாதனையையும் படைத்தார். பிறகு, நிதானமாக ஆடிய முரளி விஜய் சதம் விளாசினார். அவர் 105 ரன்களுக்கு அவுட் ஆனார். அதன் பிறகு ஒவ்வொருவராக ஆட்டம் இழக்க, முதல் நாள் முடிவில் இந்திய அணி 78 ஒவர்களில் 6 விக்கெட் இழப்பிற்கு 347 ரன்கள் எடுத்தது. ஆப்கானிஸ்தான் அணிக்காக டெஸ்ட் போட்டியில் ஷிகர் தவானை வீழ்த்தி முஹம்மத் அஹமத்சை வரலாற்று சாதனை படைத்தார். இவ்வாறு ஒவ்வொரு அணிக்காகவும் முதல் விக்கெட் வீழ்த்தியவர்களை பின்வருமாறு பார்ப்போம். 1. இங்கிலாந்து: ஆலன் ஹில் The Yorkshire County Cricket Team during the 1875 season, circa May 1875. Standing (left-right): George Pinder, George Ullyett, Tom Armitage, G Martin (umpire), Joseph Rowbotham, John Thewlis, Allen Hill and Andrew Greenwood. Seated: Tom Emmett, John Hicks, Ephraim Lockwood and Charles Ullathorne. (Photo by Popperfoto/Getty Images) டெஸ்ட் போட்டிகள் அறிமுக படுத்தப்பட்ட பொழுது, இங்கிலாந்து அணிக்காக கேப்டனாக இருந்தவரும் இவர் தான். 1877ம் ஆண்டு ஆஸ்திரலியா விற்கு எதிரான போட்டியில் இவர் எடுத்த விக்கெட் தான் கிரிக்கெட் வரலாற்றின் முதல் விக்கெட். இன்றளவும் கிரிக்கெட் வரலாற்றின் சிறப்பான ஒன்றாக கருதப்படுகிறது. 2. ஆஸ்திரேலியா: ஜான் ஹாட்ஜஸ் மெல்பர்னில் 1877ம் ஆண்டு நடந்த இங்கிலாந்து மற்றும் ஆஸ்திரேலியாவிற்கு எதிரான போட்டியில் தான் இவரும் களம் கண்டுள்ளார். அதே போட்டியில் ஆஸ்திரேலியாவிற்க்காக தனது முதல் விக்கெட்டை வீழ்த்தியுள்ளார். 3. தென்னாபிரிக்கா: குஸ் கேம்பிஸ் 1889ம் ஆண்டு இங்கிலாந்துக்கு எதிராக தனது முதல் டெஸ்ட் போட்டியை ஆடியது. தான் வீசிய முதல் ஓவரில் விக்கெட் வீழ்த்தி, டெஸ்ட் அரங்கில் தென்னாபிரிக்கா அணிக்கு முதல் விக்கெட் எடுத்து வரலாற்றில் இடம் பெற்றார். இதுவே இவர் ஆடிய கடைசி போட்டியும் ஆகும். உட நல குறைவால் 24 வயதிலேயே உயிர் இழந்தார். 4. வெஸ்ட் இண்டீஸ்: பரோன் கான்ஸ்டாண்டின் 1890ம் ஆண்டிலிருந்து வெஸ்ட் இண்டீஸ் அணி முதல் தர டெஸ்ட் போட்டிகள் ஆடினாலும் 1928ம் ஆண்டு தான் தனது முதல் இன்டெர்நேசனல் போட்டியை ஆடியது. இங்கிலாந்துக்கு எதிரான போட்டியில் பரோன் எடுத்ததே டெஸ்ட் வரலாற்றில் வெஸ்ட் இண்டீஸ் அணிக்கு முதல் விக்கெட் ஆகும். 5. நியூசிலாந்து: டெட் பேட்காக் 1932ம் ஆண்டு இங்கிலாந்துக்கு எதிராக நியூசிலாந்து அணி ஆடிய முதல் போட்டியே கிரிக்கெட் வரலாற்றில் அந்த அணிக்கு முதல் போட்டியாகும். அதில் இவர் வீசிய முதல் பந்திலேயே ஜாம்பவான் மௌரிஸ் ஆலோம் விக்கெட்டை வீழ்த்தி நியூசிலாந்து அணிக்கு முதல் விக்கெட்டை தேடி தந்தார். 6. இந்தியா: முகமத் நிஷார் The 1932 Indian Test Cricket team that toured England. Mohammad Nissar seen standing fourth on this photo of the team captained by Maharaja of Porbandar. இவர் இந்தியா பாகிஸ்தான் இரு அணிகளுக்கு முதல் தர போட்டியில் ஆடியுள்ளார். 1932ம் ஆண்டு இங்கிலாந்துக்கு எதிரான போட்டியில் தனது வேக பந்துவீச்சால் விக்கெட் வீழ்த்தினார். அப்போது இருந்த இங்கிலாந்து வீரர்களை விட இவரது வேகம் அதிகம் என அனைவராலும் அறியப்பட்டவர். 7. பாகிஸ்தான்: கான் முஹம்மத் 1952ம் ஆண்டு டெஸ்ட் அந்தஸ்து பெற்ற பாகிஸ்தான் அணி தனது முதல் டெஸ்ட் போட்டியை இந்தியாவிற்கு எதிராக ஆடியது. அப்போது இவர் எடுத்தது தான் பாகிஸ்தான் அணிக்கு டெஸ்ட் வரலாற்றில் முதல் விக்கெட். இவர் பிறகு, இங்கிலாந்துக்கு குடிபெயர்ந்து அங்கு உள்ளுர் அணிகளுக்கு பயிற்சியாளர் ஆகவும் இருந்தார். 8. இலங்கை: அஷந்தா டி மெல் 1982ம் ஆண்டு டெஸ்ட் அந்தஸ்து பெற்ற இலங்கை அணி முதன் முதலில் இங்கிலாந்துக்கு எதிராக ஆடியது. அதில் சிறப்பாக பந்துவீசிய அஷந்தா தனது அணிக்காக முதல் விக்கெட்டை வீழ்த்தினார். இவர் உள்ளுர் போட்டிகளில் ஆடாமல், வெளி கண்டங்களில் அதிக பயிர்ச்சி மேற்கொண்டதால் மற்ற வீரர்களை விட வெளிநாடுகளில் நடக்கும் போட்டிகளில் இவரின் செயல்பாடு சிறப்பாகவே இருக்கும். 9. ஜிம்பாப்வே: மார்க் பர்மெஸ்டர் ஜிம்பாப்வே அணி 1992 ம் ஆண்டு முதன்முதலில் டெஸ்ட் அந்தஸ்து பெற்றது. இந்தியாவிற்கு எதிராக முதல் டெஸ்ட் போட்டியை ஆடியது. இதில் பர்மெஸ்டர் எடுத்த முதல் விக்கெட் அந்த அணிக்கு டெஸ்ட் வரலாற்றில் முதல் விக்கெட் ஆகும். 10. பங்களாதேஷ்: நைமூர் ரஹ்மான் 2000ம் ஆண்டு முதன்முதலில் பங்களாதேஷ் அணி டெஸ்ட் அந்தஸ்து பெற்றது. அதன் பிறகு இந்திய அணியுடன் முதல் டெஸ்ட் போட்டி ஆடியது. இதில் நைமூர் சிறப்பாக பந்து வீசினார். இவர் எடுத்த முதல் விக்கெட், டெஸ்ட் அரங்கில் பங்களாதேஷ் அணிக்கு முதல் விக்கெட் ஆகும். 11. அயர்லாந்து: பாய்ட் ரான்கின் 2018ம் ஆண்டு தான் அயர்லாந்து அணிக்கு மட்ஸ்ட் அந்தஸ்து வழங்கப்பட்டது. பாகிஸ்தான் அணிக்காக தனது முதல் டெஸ்ட் போட்டியை ஆடியது. இதில் ரான்கின் வீசிய பந்தில் தான் அயர்லாந்து அணிக்கு முதல் விக்கெட் எடுக்கப்பட்டது. ரான்கின் இங்கிலாந்து அயர்லாந்து இரு அணிகளுக்கும் ஆடியுள்ளார். தற்போது இங்கிலாந்து அணியில் இருந்து விலகி, அயர்லாந்து அணியில் சேர்ந்தார் 12. ஆப்கானிஸ்தான்: யாமின் அஹ்மத்சை 2018ம் ஆண்டு டெஸ்ட் அந்தஸ்து பெற்ற ஆப்கானிஸ்தான் அணி, இந்தியாவுடன் பெங்களூருவில் ஆடி வருகிறது. இதில் இந்திய வீரர் ஷிகர் தவானை வீழ்த்தி அஹ்மத்சை ஆப்கானிஸ்தான் அணிக்கு முதல் விக்கெட் எடுத்தார்.

Leave a comment