முத்தரப்பு தொடரின் இறுதி போட்டி.. கணிக்கப்பட்ட இரு அணிகளின் ஆடும் லெவன் !

முத்தரப்பு தொடரின் இறுதி போட்டி.. கணிக்கப்பட்ட இரு அணிகளின் ஆடும் லெவன் இலங்கையின் 70வது சுதந்திர தினத்தையொட்டி, இந்தியா, இலங்கை மற்றும் வங்கதேசம் இடையேயான முத்தரப்பு டி.20 தொடர் இலங்கையில் நடைபெற்று வருகிறது. இதில் இந்திய அணி மூன்று போட்டிகளில் வெற்றி பெற்று, இறுதி போட்டிக்கு ஏற்கனவே தகுதி பெற்றுவிட்ட நிலையில், மற்றொரு இறுதி போட்டியாளரை தீர்மானிக்கும் கடைசி லீக் போட்டி நேற்று நடைபெற்றது. இதில் வங்கதேச அணி 2 விக்கெட் வித்தியாசத்தில் த்ரில் வெற்றி பெற்று இறுதி போட்டிக்கு தகுதி பெற்றுள்ளது. இறுதி போட்டிக்கு தகுதி பெற்றுள்ள இந்தியா வங்கதேசம் இடையேயான இறுதி போட்டி நாளை மாலை நடைபெற உள்ளது. இரு அணிகள் இடையேயான இந்த இறுதி போட்டியில், இரு அணிகளின் ஆடும் லெவனை இங்கு பார்ப்போம். இந்திய அணி; ஷிகர் தவான்; இந்த தொடரின் துவக்கத்தில் இருந்தே தொடர்ந்து மாஸ் காட்டி வரும் தவான் நாளைய போட்டியிலும் அதிரடி காட்ட வேண்டும் என்பதே ரசிகர்களின் எதிர்பார்ப்பு. ரோஹித் சர்மா; இந்த தொடரின் ஒரு போட்டியில் மட்டுமே அரைசதம் கடந்திருக்கும் ரோஹித் சர்மாவிற்கு, நாளை நடைபெறும் இறுதி போட்டியில் கேப்டன் என்று கூடுதல் பொறுப்பு உள்ளது. இதனை கவனத்தில் கொண்டு விளையாட வேண்டும். சுரேஷ் ரெய்னா; நீண்ட இடைவேளைக்கு பிறகு இந்திய அணியில் மீண்டும் இடம்பிடித்த சுரேஷ் ரெய்னா, தனக்கு கிடைத்த வாய்ப்பை வீணடிக்காமல் ஒவ்வொரு போட்டியிலும் சிறப்பாகவே விளையாடி வருகிறார். கே.எல் ராகுல்; நீண்ட இடைவேளைக்கு பிறகு டி.20 அணியில் மீண்டும் இடம்பிடித்த கே.எல் ராகுல், இந்த தொடரின் எந்த போட்டியில் சொல்லிக்கொள்ளும் அளவிற்கு விளையாடவில்லை. நாளைய போட்டியிலாவது அவர் தன்னை நிரூபிக்கும் பட்சத்தில் மட்டுமே அவர் அடுத்தடுத்த தொடர்களில் இடம்பெற முடியும். மணிஷ் பாண்டே; ஒரு சில போட்டிகளில் சொதப்பினாலும், பல இக்கட்டான நேரத்தில் இந்திய அணிக்கு கைகொடுத்து வருகிறார் மணிஷ் பாண்டே. தினேஷ் கார்த்திக்; நடப்பு முத்தரப்பு தொடரில் தனக்கான ஒரு வாய்ப்பு கிடைக்காமல் தவித்து வரும் தினேஷ் கார்த்திக்கிற்கு நாளைய போட்டியிலாவது வாய்ப்பு கிடைக்கும் பட்சத்தில் தன்னை நிரூபிப்பார் என்பதில் மாற்றுக்கருத்து இல்லை. வாஷிங்டன் சுந்தர்: இந்த முத்தரப்பு தொடரில் அவரது பங்களிப்பு சிறப்பாக இருக்கிறது. முதல் இரண்டு போட்டிகளிலும் பவர்பிளே ஓவர்களில் ரன் ஏதும் கொடுக்காமல் அற்புதமாக வீசி வருகிறார். இலங்கைக்கு எதிரான போட்டியில் இவரது பந்துவீச்சு அற்புதமாக இருந்தால், இலங்கை அணி பெரிய ஸ்கோர் அடிக்க வாய்ப்பில்லை. விஜய் ஷங்கர்: தமிழக வீரர் விஜய் ஷங்கர் வங்கதேசத்துக்கு எதிராக 2 விக்கெட்டுகள் எடுத்து ஆட்டநாயகன் வென்று அசத்தினார். அவருக்கு பேட்டிங் விளையாட போதிய வாய்ப்பு கிடைக்கவில்லை என்றாலும், அடுத்த போட்டியில் இன்னும் பலமாக அவர் வரவேண்டும். ஜெயதேவ் உனட்கட்: சீனியர் வீரர்கள் இல்லாததால், அணியில் இடம் பிடித்த ஜெயதேவ் உனட்கட், இந்த முத்தரப்பு தொடரில் அதிக விக்கெட் எடுத்திருக்கிறார். இலங்கை அணியின் டாப்-ஆர்டர் வீரர்களை வெளியேற்ற உனட்கட்டின் துல்லியமான பந்துவீச்சு தேவை. யுஸ்வேந்த்ர சஹால் முக்கியமான நேரத்தில் விக்கெட் எடுத்து தரும் வல்லமை வாய்ந்தவர் இந்திய அணியின் சுழற்பந்து வீச்சாளர் யுஸ்வேந்த்ர சஹால். இந்திய அணி வெற்றி பாதையில் செல்ல, இவரின் உதவி கண்டிப்பாக தேவை. ஷர்துல் தாகூர் முதல் போட்டியில் அதிக ரன் கொடுத்தாலும், வங்கதேசத்துக்கு எதிராக சிறப்பாக பந்து வீசினார் தாகூர். இவர் நல்ல பார்மில் இருந்தால், இலங்கைக்கு எதிரான அடுத்த போட்டியில் இலங்கை அணியின் டாப்-ஆர்டரை எளிதில் வெளியேற்றலாம்.

ரோஹித் சர்மா;

Leave a comment