எதிர்பார்க்கவே இல்ல… இந்த தொடரில் சிறப்பாக விளையாடிய ஐந்து இளம் வீரர்கள் இவர்கள் தான்; பார்த்தீவ் பட்டேல் சொல்கிறார் !!

2022 ஐபிஎல் தொடரில் இந்த 5 அறிமுக வீரர்கள் வேற லெவல் மாஸ் செய்துவிட்டார்கள் என்று மும்பை இந்தியன்ஸ் அணியின் முன்னாள் விக்கெட் கீப்பர் பேட்ஸ்மேன் பார்த்திவ் படேல் தெரிவித்துள்ளார் . 15வது ஐபிஎல் தொடரின் முதல் குவாலிபயர் போட்டியில் ராஜஸ்தான் அணியை வீழ்த்தி குஜராத் அணி நேரடியாக இறுதி போட்டிக்கு தகுதி பெற்றிருந்த நிலையில், இறுதி போட்டிக்கான இரண்டாவது அணியை தீர்மானிக்கும் இரண்டாவது குவாலிபயர் போட்டியில் ராஜஸ்தான் ராயல்ஸ் அணியும், பெங்களூர் அணியும் மோதின. இதில் ராஜஸ்தான் ராயல்ஸ் அணி பெங்களூர் அணியை மிகவும் எளிதாக வெற்றி பெற்று இறுதிப்போட்டிக்கு முன்னேறியுள்ளது. இதனால் இந்திய கிரிக்கெட் வட்டாரத்தில் 2022 ஐபிஎல் தொடரில் யார் தலைமையிலான அணி வெற்றி பெறும் என்று விருவிருப்பான விவாதம் நடைபெற்று வருகிறது. மேலும் 2022 ஐபிஎல் தொடரில் சிறப்பாக செயல்பட்ட வீரர்களை முன்னாள் வீரர்கள் மற்றும் வல்லுநர்கள் பாராட்டியும் அறிவுரை வழங்கி வருகின்றனர். அந்த வகையில் இந்திய அணியின் முன்னாள் விக்கெட் கீப்பர் பேட்ஸ்மேன் பார்த்தி பட்டேல் 2022 ஐபிஎல் தொடரில் அறிமுகமாகி சிறப்பாக செயல்பட்ட 5 வீரர்கள் குறித்து பாராட்டி பேசியுள்ளார். 1,திலக் வர்மா நடப்பு ஐபிஎல் தொடரில் அறிமுகமான 19 வயது மட்டுமே ஆகும் திலக் வர்மா இந்த தொடரில் மிகவும் சிறப்பாக செயல்பட்டுள்ளார்.ரோஹித் சர்மா பாராட்டியது போல் திலக் வர்மா இந்திய அணியில் விளையாட தகுதியான வீரர் என்று பார்திவ் படெல் தெரிவித்துள்ளார். 2,ஜிதேஷ் சர்மா 2022 ஐபிஎல் தொடரில் பஞ்சாப் கிங்ஸ் அணிக்காக அறிமுகமான ஜிதேஷ் சர்மா 10 போட்டிகளில் பங்கேற்று 234 ரன்கள் அடித்து அசத்தியுள்ளார். மிகவும் அதிரடியாக பேட்டிங் செய்யும் இவரை தேர்வாளர்கள் கவனித்து வருகின்றனர் என்று பார்திவ் தெரிவித்துள்ளார். 3, முஹ்சின் கான் நடப்பு ஐபிஎல் தொடரில் லக்னோ அணிக்காக அறிமுகமான வேகப்பந்துவச்சாளர் முஹ்சின் கான், தன்னுடைய அபராமன வேகத்தின் மூலம் எதிரணி பேட்ஸ்மேன்களை திணறடித்துள்ளார். நிச்சயம் இவர் இந்திய அணியில் தனக்கான இடத்தை பிடித்துக் கொள்வார் என்று பார்த்தீவ் பட்டேல் பாராட்டினார். 4, குல்தீப் சென் நடப்பு ஐபிஎல் தொடரில் ராஜஸ்தான் ராயல்ஸ் அணிக்காக விளையாடி வரும் இளம் வேகப்பந்து வீச்சாளர் குல்தீப் சென் எதிரணி பேட்ஸ்மேன்களை தன்னுடைய வேகத்தால் அச்சுறுத்தி வருகிறார். குறிப்பாக பெங்களூர் அணிக்கு எதிரான போட்டியில் இவருடைய பந்து வீச்சில் பார்ப்பதற்கே அற்புதமாக இருந்தது என்று பார்திவ் பட்டேல் தெரிவித்துள்ளார். 5, முகேஷ் சவுத்ரி. நடப்பு ஐபிஎல் தொடரில் சென்னை சூப்பர் கிங்ஸ் அணிக்காக அறிமுகமான வேகப்பந்துவீச்சாளர் முக்கிய சவுத்ரி சென்னை அணியில் தீபக் சஹர் இல்லாத குறையைப் போக்கும் வகையில் மிக சிறந்த முறையில் பந்துவீசி உள்ளார். 13 போட்டிகளில் பங்கேற்ற இவர் 16 விக்கெட்களை வீழ்த்தி அசத்தியுள்ளார். இவருடைய இடது கை வேகப்பந்து வீச்சு சென்னை அணிக்கு மிகவும் உதவியாக உள்ளது என்றும் பார்த்தீவ் பட்டேல் பாராட்டி பேசியிருந்தது குறிப்பிடத்தக்கது.

Leave a comment