ராஜஸ்தான் ராயல்ஸ் (ஆர்.ஆர்) அணி வரும் பருவத்தில் பிங்க் நிற உடையில் களமிறங்க போவதாக அறிவித்தது. மார்பக புற்றுநோய்க்குவிழிப்புணர்வு செய்வதற்காக பிங்க் ஜெர்சியில் கடந்த சீசனில் ஓரிரு போட்டிகளில் விளையாடியது மற்றும் அது ரசிகர்களிடமிருந்து ஒரு பெரிய வரவேற்பை பெற்றது. அந்த வெற்றியைத் தொடர்ந்து, முழு பருவத்திற்கும் பிங்க் நிற உடையில் ஆட முடிவு செய்து, சனிக்கிழமை ஐபிஎல் துவக்கத்திற்கு முன்னதாகவே புதிய ஜெர்சி அறிமுகப்படுத்தப்பட்டது.
இந்த அணியின் அனைத்து விளையாட்டு வீரர்களும் தங்கள் முதல் சீசனுக்கு முன்னால் ராயல்ஸ் முகாமில் சேர்ந்தனர். பென் ஸ்டோக்ஸ், ஸ்டீவ் ஸ்மித் மற்றும் ஜோஸ் பட்லெர் ஆகியோரும் இந்த நிகழ்வில் கலந்து கொண்டனர்.
பிங்க் நிறமாக இருந்தாலும், அவர்களின் நீல வண்ணத்தை விட்டுக்கொடுக்காமல் ஜெர்சியின் மேல் புறத்தில் நீல வண்ணம் வருமாறு வடிவமைத்துள்ளனர். இதற்க்கான புகைப்படங்களை தனது அதிகாரபூர்வ ட்விட்டர் பக்கத்தில் ராஜஸ்தான் அணி வெளியிட்டது.