வேற லெவல் சார் நீங்க; தல தோனிக்கு சல்யூட் அடிக்கும் வெஸ்ட் இண்டீஸ் வீரர்
நியூசிலாந்திற்கு எதிரான உலக கோப்பை அரையிறுதியில் இந்தியா தோல்வியடைந்ததிலிருந்து டோனியின் எதிர்காலம் குறித்த ஊகங்கள் தீவிரமடைந்தன.
இதையடுத்து ஆகஸ்ட் 3 ஆம் தேதி தொடங்கும் வெஸ்ட் இண்டீஸ் சுற்றுப்பயணத்திற்கான இந்திய அணியை பிசிசிஐ தேர்வு செய்தவுடன், டோனியின் எதிர்கால திட்டங்கள் குறித்த தெளிவான தகவல்கள் கிடைக்கும் என கூறப்பட்டு வந்தது.
இந்நிலையில் டோனி, துணை ராணுவ படைப்பிரிவுக்கு சேவை செய்ய விளையாட்டிலிருந்து இரண்டு மாத ஓய்வு எடுப்பதாக பிசிசிஐக்கு தெரிவித்தார். இதனால் வெஸ்ட் இண்டீஸ் சுற்றுப்பயணத்தில் அவர் கலந்து கொள்ளவில்லை.
இதனையடுத்து டோனி, பிராந்திய ராணுவத்தின் பாராசூட் ரெஜிமென்ட்டில் கவுரவ லெப்டினன்ட் கர்னல் ஆவார். இந்நிலையில் வரும் 31ம் தேதி முதல் ஆகஸ்ட் 15ம் தேதி வரை காஷ்மீரில் ராணுவ குழுவினருடன் டோனி ரோந்து பணிக்கு செல்ல இருப்பதாக அதிகாரப்பூர்வமாக அறிவிக்கப்பட்டது.
இந்த அறிவிப்பு வெளியானதில் இருந்தே பல்வேறு தரப்பட்ட கிரிக்கெட் ரசிகர்களும், முன்னாள் வீரர்களும் டோனிக்கு பாராட்டு தெரிவித்து வருகின்றனர். இந்நிலையில் இது குறித்து வெஸ்ட் இண்டீஸ் அணியின் வேகப்பந்து வீச்சாளர் ஷெல்டன் காட்ரெல் தனது டுவிட்டர் பக்கத்தில் பதிவு ஒன்றை வெளியிட்டுள்ளார்.
I shared this video with friends and family because they know how I feel about honour but the moment between wife and husband truly shows an inspirational kind of love for country and partner. Please enjoy as I did. pic.twitter.com/Pre28KWAFD
— Sheldon Cotterell (@SaluteCotterell) July 28, 2019
இதில், ‘டோனி களத்தில் நின்றாலே உத்வேகம்தான். இவர் சிறந்த தேச பக்தர். கிரிக்கெட்டை தாண்டி நாட்டுக்காக ஏதாவது செய்ய வேண்டும் என நினைப்பவர். கடந்த சில வாரங்களாக வீட்டில் ஓய்வில் இருந்ததால் இதனை எடுத்துக் காட்ட எனக்கு நேரம் கிடைத்தது.
நான் இந்த வீடியோவை நண்பர்களுக்கும், குடும்பத்தினருக்கும் பகிர்கிறேன். இந்த வீடியோவை கண்டு என்னை போலவே, நீங்களும் மகிழுங்கள்’ என பதிவிட்டு டோனிக்கு புகழாரம் சூட்டியுள்ளார்.