நியூசிலாந்து அணியின் முன்னாள் கிரிக்கெட் வீரர் ஸ்காட் ஸ்டரீஸ் தற்போது உலக டெஸ்ட் சாம்பியன்ஷிப் இறுதிப்போட்டி ஒரு சில வார்த்தைகள் கூறி இருக்கிறார். அவர் தற்போது ரோஹித் சர்மா நிச்சயமாக இறுதிப்போட்டியில் இந்த விஷயத்தில் கஷ்டப்படுவார் என்றும் அதே போல இறுதிப்போட்டியில் நெய்ல் வாக்னர் அதிக விக்கெட்டுகளை கைப்பற்றுவார் என்றும் கூறியிருக்கிறார்.
ரோஹித் சர்மா இந்த விஷயத்தில் கவனமாக இருக்க வேண்டும்
சமீப சில காலங்களாகவே ரோஹித் சர்மா ஸ்விங் ஆகும் பந்துகளை சரியாக கையாளுவது இல்லை. அவர் தனது கால்களை சரியாக பயன்படுத்தி விளையாடுவதில்லை. ஆனால் நியூசிலாந்து அணியின் பந்துவீச்சாளர்கள் அனைவரும் மிக அற்புதமாக பந்துவீசி ஸ்விங் செய்யும் ஆற்றல் உடையவர்கள்.
போல்ட் சவுதி ஜேமிசன் மற்றும் வாக்னர் ஆகிய வீரர்கள் மிக அற்புதமாக ஸ்விங் செய்வார்கள். குறிப்பாக இடது கை வேகப்பந்து வீச்சாளரான போல்ட் மற்றும் வாக்னர் ஆகிய இருவரும் நிறைய டெஸ்ட் போட்டிகளில் விளையாடிய வீரர்கள்.
நிறைய அனுபவம் உள்ள இவர்கள் நிச்சயமாக ரோஹித் சர்மாவுக்கு எதிராக தங்களுடைய சிறந்த பந்துகளை வீசுவார்கள். எனவே ரோஹித் சர்மா இறுதிப்போட்டியில் தடுமாற நிறைய வாய்ப்பிருக்கிறது என்று ஸ்காட் ஸ்டரீஸ் கூறியிருக்கிறார். எனவே அவர் சற்று நிதானமாக விளையாடினால் மட்டுமே நீண்ட நேரம் விளையாட முடியும் என்றும் அறிவுரை கூறியுள்ளார்.
நெய்ல் வாக்னர் இறுதிப்போட்டியில் நிச்சயமாக அசத்துவார்
மேலும் பேசிய அவர் இறுதிப் போட்டியில் பந்து வீச்சாளர்கள் மத்தியில் நியூசிலாந்து அணிக்கு நெய்ல் வாக்னர் தன்னுடைய முழு திறமையை காண்பிப்பார் என்று கூறியிருக்கிறார். அவரிடம் விக்கெட் எடுக்க வேண்டும் என்கிற வேகம் எப்பொழுதும் இருந்து கொண்டே இருக்கும்.
குறிப்பாக கோலி போன்ற வீரரின் விக்கெட்டை கைப்பற்றக் கூடிய திறமை வாய்ந்த வீரர் இவர் ஆவார். குறிப்பாக மிடில் ஓவர்களில் மிக அற்புதமாக பந்துவீசி எதிரணியை கட்டுப்படுத்தக் கூடிய திறமை இவரிடம் உள்ளது. எனவே இறுதிப் போட்டியில் இவர் நியூசிலாந்து அணி சார்பாக மிக சிறப்பாக விளையாடுவார் என்று ஸ்காட் ஸ்டரீஸ் கூறியிருக்கிறார்.