ஐ.பி.எல் டி.20 தொடர்… அதிக ரன்கள் குவித்துள்ள டாப் 10 வீரர்கள் !!

ஐ.பி.எல் டி.20 தொடர்… அதிக ரன்கள் குவித்துள்ள டாப் 10 வீரர்கள் இந்தியாவில் கடந்த 2008ம் ஆண்டில் இருந்து ஐ.பி.எல் டி.20 தொடர் மிக பிரமாண்டமாக நடத்தப்பட்டு வருகிறது. இந்த தொடரில் ஏற்கனவே 10 சீசன் நிறைவடைந்துள்ள நிலையில், 11வது சீசன் அடுத்த மாதம் 7ம் தேதி துவங்க உள்ளது. இந்த தொடர் துவங்க இன்னும் சில தினங்கள் மட்டுமே உள்ள நிலையில், ஒட்டுமொத்த தொடரிலும் சேர்த்து அதிக ரன்கள் எடுத்துள்ள டாப் 10 வீரர்கள் பட்டியலை இங்கு பார்ப்போம். இந்த பட்டியலில் முதலிடத்தில் இருக்கும் வீரர் யார் என்பதை அறிய ஒவ்வொரு பக்கமாக க்ளிக் செய்து பார்க்கவும். 10., ஏ.பி டிவில்லியர்ஸ்; தென் ஆப்ரிக்கா கிரிக்கெட் அணியின் அதிரடி ஆட்டக்காரரும், மிஸ்டர் 360 டிகிரி மேன் என்று அழைக்கப்படுபவருமான ஏ.பி டிவில்லியர்ஸ் ஐ.பி.எல் தொடரில் இதுவரை டெல்லி மற்றும் பெங்களூர் அணிக்காக விளையாடியுள்ளார். ஐ.பி.எல் தொடரில் 129 போட்டிகளில் விளையாடியுள்ள டிவில்லியர்ஸ் மொத்தம் 3473 ரன்கள் எடுத்துள்ளார். 9., தோனி; சென்னை சூப்பர் கிங்ஸ் அணியின் வெற்றி கேப்டனான தோனி, இதுவரை மொத்தம் 159 போட்டிகளில் விளையாடி 3561 ரன்கள் எடுத்து இந்த பட்டியலில் 9ம் இடத்தில் உள்ளார். 8., தவான் இந்திய அணியின் துவக்க வீரரான ஷிகர் தவான், ஐ.பி.எல் தொடரில் டெக்கன் சார்ஜர்ஸ், டெல்லி, மும்பை மற்றும் ஹைதரபாத் அணிகளுக்காக விளையாடியுள்ளார். இதுவரை 127 போட்டிகளில் விளையாடியுள்ள ஷிகர் தவான் 3561 ரன்கள் எடுத்துள்ளார். 7., கெய்ல்; அதிரடி ஆட்டத்துக்கு பெயர் போனவரான வெஸ்ட் இண்டீஸ் அணியின் கிறிஸ் கெய்ல், இதுவரை 101 போட்டிகளில் விளையாடி அதில் 3636 ரன்கள் குவித்துள்ளார். 6., உத்தப்பா; இந்திய கிரிக்கெட் அணியின் சீனியர் வீரர்களில் ஒருவரான ராபின் உத்தப்பா, ஐ.பி.எல் தொடரில் கொல்கத்தா, மும்பை, புனே மற்றும் பெங்களூர் அணிக்காக விளையாடியுள்ளார். இதுவரை 14 போட்டிகளில் விளையாடியுள்ள உத்தப்பா, மொத்தம் 3778 ரன்கள் குவித்துள்ளார். 5., டேவிட் வார்னர்; ஆஸ்திரேலிய கிரிக்கெட் அணியின் அதிரடி ஆட்டக்காரரான டேவிட் வார்னர், ஹைதராபாத் மற்றும் டெல்லி அணிக்காக இதுவரை விளையாடியுள்ளார். மொத்தம் 114 போட்டிகளில் விளையாடியுள்ள வார்னர் 4014 ரன்கள் குவித்து இந்த பட்டியலில் 5ம் இடத்தில் உள்ளார். Photo by Deepak Malik / IPL/ SPORTZPICS 4., கவுதம் காம்பீர்; கொல்கத்தா அணியின் முன்னாள் கேப்டனான கவுதம் காம்பீர் தனது நேர்த்தியான ஆட்டத்தின் மூலம் 147 போட்டிகள் விளையாடி அதில் 4132 ரன்கள் குவித்துள்ளார். 3., ரோஹித் சர்மா; ஹிட்மேன் என்று அழைக்கப்படும் ரோஹித் சர்மா, ஐ.பி.எல் தொடரின் மும்பை இந்தியன்ஸ் அணியின் கேப்டனாக செயல்பட்டு வருகிறார். இதுவரை மொத்தம் 159 போட்டிகளில் விளையாடியுள்ள ரோஹித் சர்மா மொத்தம் 4207 ரன்கள் குவித்து இந்த பட்டியலில் 3ம் இடத்தில் உள்ளார். 2., விராட் கோஹ்லி; இந்திய கிரிக்கெட் அணி மற்றும் பெங்களூர் அணியின் கேப்டனான விராட் கோஹ்லி, இதுவரை 149 போட்டிகளில் விளையாடி 4418 ரன்கள் குவித்துள்ளார். 1., சுரேஷ் ரெய்னா; சென்னை சூப்பர் கிங்ஸ் அணியின் செல்லப்பிள்ளையான சின்ன தல சுரேஷ் ரெய்னா 161 போட்டிகளில் விளையாடி மொத்தம் 4540 ரன்கள் குவித்து இந்த பட்டியலில் முதலிடத்தில் உள்ளார். இதன் காரணமாகவே சுரேஷ் ரெய்னாவிற்கு “மிஸ்டர் ஐ.பி.எல்” என்ற பெயரும் வந்தது குறிப்பிடத்தக்கது.

Leave a comment