ஐ.பி.எல் டி.20 தொடர்; அதிக விக்கெட்டுகள் அள்ளிய டாப்-10 வீரர்கள் பட்டியல் !!

ஐ.பி.எல் டி.20 தொடர்; அதிக விக்கெட்டுகள் அள்ளிய டாப்-10 வீரர்கள் பட்டியல் இந்தியாவில் கடந்த 2008ம் ஆண்டில் இருந்து ஐ.பி.எல் டி.20 தொடர் மிக பிரமாண்டமாக நடத்தப்பட்டு வருகிறது. இந்த தொடரில் ஏற்கனவே 10 சீசன் நிறைவடைந்துள்ள நிலையில், 11வது சீசன் அடுத்த மாதம் 7ம் தேதி துவங்க உள்ளது. இந்த தொடர் துவங்க இன்னும் சில தினங்கள் மட்டுமே உள்ள நிலையில், ஒட்டுமொத்த தொடரிலும் சேர்த்து அதிக விக்கெட்டுகள் வீழ்த்திய டாப் 10 வீரர்கள் பட்டியலை இங்குபார்ப்போம். இந்த பட்டியலில் முதலிடத்தில் இருக்கும் வீரர் யார் என்பதை அறிய ஒவ்வொரு பக்கமாக க்ளிக் செய்து பார்க்கவும். 10., ரவிசந்திர அஸ்வின்; தமிழக வீரரான ரவிசந்திர அஸ்வின் ஐ.பி.எல் தொடரின் துவக்கத்தில் இருந்தே சென்னை சூப்பர் கிங்ஸ் அணிக்காக விளையாடினார், சென்னை தடை செய்யப்பட்டப்பிறகு புனே அணிக்காக விளையாடியவர். இதுவரை மொத்தம் 111 போட்டிகளில் விளையாடியுள்ள அஸ்வின் 100 விக்கெட்டுகள் வீழ்த்தி இந்த பட்டியலில் 10வது இடத்தில் உள்ளார். 9., ஜாகீர் கான்; தனது நேர்த்தியான பந்துவீச்சு மூலம் இந்திய அணியில் நம்பிக்கை நாயகனாக திகழ்ந்த ஜாகீர் கான், ஐ.பி.எல் தொடரில் இதுவரை டெல்லி, மும்பை மற்றும் பெங்களூர் அணிகளுக்காக விளையாடியுள்ளார். ஐ.பி.எல் தொடரில் மொத்தம் 100 போட்டிகளில் விளையாடியுள்ள ஜாகீர் கான் இதுவரை 102 விக்கெட்டுகளை கைப்பற்றியுள்ளார். 8., வினய் குமார்; ஐ.பி.எல் தொடரில் கொச்சி, கொல்கத்தா, மும்பை மற்றும் பெங்களூர் அணிகளுக்காக விளையாடிய வினய் குமார், இதுவரை மொத்தம் 103 போட்டிகளில் விளையாடி அதில் 103 விக்கெட்டுகள் வீழ்த்தியுள்ளார். 7., ஆஷிஸ் நெஹ்ரா; சர்வதேச போட்டிகளில் இருந்து சமீபத்தில் ஓய்வு பெற்ற ஆஷிஸ் நெஹ்ரா, ஐ.பி.எல் தொடரில் இதுவரை 88 போட்டிகளில் விளையாடி அதில் 103 விக்கெட்டுகளை வீழ்த்தியுள்ளார். 6., புவனேஷ்வர் குமார்; இந்திய அணியின் நம்பிக்கை நட்சத்திரமாக விளங்கி வரும் புவனேஷ்வர் குமார், ஐ.பி.எல் தொடரில் இதுவரை புனே மற்றும் ஹைதராபாத் அணிக்காக விளையாடியுள்ளார். மொத்தம் 90 போட்டிகளில் விளையாடியுள்ள புவனேஷ்வர் குமார் மொத்தம் 111 விக்கெட்டுகளை வீழ்த்தி இந்த பட்டியலில் 6வது இடத்தில் உள்ளார். 5., பிராவோ; சென்னை சூப்பர் கிங்ஸ் அணியில் விளையாடியதன் மூலம் தமிழகத்தின் செல்லப்பிள்ளையை போல் மாறிய டூவைன் பிராவோ இதுவரை 106 போட்டிகளில் விளையாடி அதில் 122 விக்கெட்டுகள் வீழ்த்தியுள்ளார். 4., பியூஸ் சாவ்லா; சூழற்பந்து வீச்சாளரான பியூஸ் சாவ்லா ஐ.பி.எல் தொடரில் மொத்தம் 129 போட்டிகளில் விளையாடி 126 விக்கெட்டுகளை கைப்பற்றியுள்ளார். 3., ஹர்பஜன் சிங்; இந்திய அணியின் சீனியர் சுழற்பந்து வீச்சாளர்களில் ஒருவரான ஹர்பஜன் சிங், ஐ.பி.எல் தொடரின் துவக்கத்தில் இருந்தே மும்பை இந்தியன்ஸ் அணிக்காக விளையாடி வந்தார். 136 போட்டிகளில் விளையாடியுள்ள ஹர்பஜன் சிங் 127 விக்கெட்டுகளை வீழ்த்தியுள்ளார். 2., அமித் மிஸ்ரா; இந்திய கிரிக்கெட் அணியின் சீனியர் வீரர்களில் ஒருவரான அமித் மிஸ்ரா ஐ.பி.எல் தொடரில் இதுவரை 126 போட்டிகளில் விளையாடி 134 விக்கெட்டுகள் வீழ்த்தி இந்த பட்டியலில் இரண்டாம் இடத்தில் உள்ளார். 1., மலிங்கா; யார்கர் புகழ் லசீத் மலிங்கா ஐ.பி.எல் தொடரில் இதுவரை மும்பை இந்தியன்ஸ் அணிக்காக மட்டுமே விளையாடியுள்ளார். இதுவரை மொத்தம் 110 போட்டிகளில் விளையாடியுள்ள மலிங்கா 154 விக்கெட்டுகள் வீழ்த்தி இந்த பட்டியலில் முதலிடத்தில் உள்ளார். அதிக விக்கெட் வீழ்த்தியவர்கள் பட்டியலில் முதலிடத்தில் இருக்கும் லசீத் மலிங்கா இந்த தொடரில் எந்த அணியும் விலை கொடுத்து வாங்கவில்லை என்பது கூடுதல் தகவல்.

Leave a comment