ஐ.பி.எல் தொடரில் சிக்ஸர் அடித்து சரித்திரம் படைத்த டாப் 10 வீரர்கள் !!

ஐ.பி.எல் தொடரில் சிக்ஸர் அடித்து சரித்திரம் படைத்த டாப் 10 வீரர்கள் இந்தியாவில் கடந்த 2008ம் ஆண்டில் இருந்து ஐ.பி.எல் டி.20 தொடர் மிக பிரமாண்டமாக நடத்தப்பட்டு வருகிறது. இந்த தொடரில் ஏற்கனவே 10 சீசன் நிறைவடைந்துள்ள நிலையில், 11வது சீசன் அடுத்த மாதம் 7ம் தேதி துவங்க உள்ளது. இந்த தொடர் துவங்க இன்னும் சில தினங்களே உள்ள நிலையில், ஒட்டுமொத்த தொடரிலும் சேர்த்து அதிக சிக்ஸர்கள் அடித்த டாப் 10 வீரர்கள் பட்டியலை இங்கு பார்ப்போம். இந்த பட்டியலில் முதலிடத்தில் இருக்கும் வீரர் யார் என்பதை அறிய ஒவ்வொரு பக்கமாக க்ளிக் செய்து பார்க்கவும். 10., யுவராஜ் சிங்; சர்வதேச கிரிக்கெட் போட்டிகளில் 6 பந்துகளில் 6 சிக்ஸர் அடித்ததன் மூலம் சரித்திரத்தில் இடம்பிடித்த யுவராஜ் சிங் ஐ.பி.எல் தொடரில் இதுவரை டெல்லி, பஞ்சாப், புனே, பெங்களூர் மற்றும் ஹைதரபாத் உள்ளிட்ட அணிகளுக்காக விளையாடியுள்ளார். இதுவரை 120 போட்டிகளில் விளையாடி அதில் 116 போட்டிகளில் பேட்டிங் செய்துள்ள யுவராஜ் சிங் மொத்தம் 141 சிக்ஸர்கள் பறக்கவிட்டு இந்த பட்டியலில் 10வது இடத்தில் உள்ளார். 9., யூசுப் பதான்; கொல்கத்தா நைட் ரைடர்ஸ் மற்றும் ராஜஸ்தான் ராயல்ஸ் அணிக்காக விளையாடியுள்ள யூசுஃப் பதான் இதுவரை 149 போட்டிகளில் விளையாடி 146 சிக்ஸர்கள் அடித்துள்ளார். 8., பொலார்டு; ஐ.பி.எல் தொடரின் துவக்கத்தில் இருந்தே மும்பை இந்தியன்ஸ் அணிக்காக விளையாடி வரும் விண்டீஸ் அணியின் ஆல் ரவுண்டர் பொலார்டு, இதுவரை 123 போட்டிகளில் விளையாடி அதில் 147 சிக்ஸர்கள் பறக்கவிட்டுள்ளார். 7., தோனி சென்னை சூப்பர் கிங்ஸ் அணியின் கேப்டனான தல தோனி, இதுவரை 159 போட்டிகளில் விளையாடி 156 சிக்ஸர் அடித்து, இந்த பட்டியலில் 7வது இடத்தில் உள்ளார். 6., டிவில்லியர்ஸ்; மிஸ்டர் 360 டிகிரி மேன் என்று அழைக்கப்படும் தென் ஆப்ரிக்கா அணியின் நட்சத்திர வீரர் டிவில்லியர்ஸ் இந்த பட்டியலில் 6வது இடத்தில் உள்ளார். இதுவரை 129 போட்டிகளில் விளையாடி 157 சிக்ஸர்கள் அடித்துள்ளார். 5., விராட் கோஹ்லி; ஒட்டுமொத்த கிரிக்கெட் உலகிலும் கொடிகட்டி பறந்து வரும் இந்திய அணி மற்றும் பெங்களூர் அணியின் கேப்டனான விராட் கோஹ்லி, ஐ.பி.எல் தொடரில் இதுவரை மொத்தம் 149 போட்டிகளில் விளையாடி அதில் 159 சிக்ஸர்கள் அடித்துள்ளார். 4., டேவிட் வார்னர்; ஆஸ்திரேலிய கிரிக்கெட் அணியின் அதிரடி ஆட்டக்காரரும், ஹைதரபாத் அணியின் கேப்டனுமான டேவிட் வார்னர் இதுவரை 114 போட்டிகளில் விளையாடி 160 சிக்ஸர்கள் அடித்துள்ளார். 3., ரோஹித் சர்மா; மும்பை டான் மற்றும் ஹிட்மேன் என்று அழைக்கப்படும் மும்பை இந்தியன்ஸ் அணியின் கேப்டன் ரோஹித் சர்மா இதுவரை மொத்தம் 154 போட்டிகளில் விளையாடி 172 சிக்ஸர்கள் விளாசியுள்ளார். 2., சுரேஷ் ரெய்னா; சென்னை சூப்பர் கிங்ஸ் அணியின் செல்லப்பிள்ளையான சின்னதல சுரேஷ் ரெய்னா இந்த பட்டியலில் இரண்டாம் இடத்தில் உள்ளார். இதுவரை சென்னை சூப்பர் கிங்ஸ் மற்றும் குஜராத் அணிக்காக விளையாடியுள்ள சுரேஷ் ரெய்னா இதுவரை மொத்தம் 173 சிக்ஸர்கள் விளாசியுள்ளார். 1., கிறிஸ் கெய்ல்; ஐ.பி.எல் தொடரின் மூலம் சிக்ஸர் ராட்ஷன் என்ற பெயர் எடுத்த விண்டீஸ் அணியின் அதிரடி ஆட்டக்காரர் கிறிஸ் கெய்ல் தான் இந்த பட்டியலிலும் முதலிடத்தில் உள்ளார். இதுவரை பெங்களூர் மற்றும் கொல்கத்தா அணிக்காக விளையாடியுள்ள கிறிஸ் கெய்ல், இதுவரை 101 போட்டிகளில் விளையாடி மொத்தம் 265 சிக்ஸர்கள் விளாசியுள்ளார்.

Leave a comment