டெஸ்ட் போட்டிகளை அதிகமாக வென்றுள்ள முதல் 10 அணிகள்

1877ல் இருந்து கிரிக்கெட் விளையாடப்பட்டு வருகின்றன. முதலில் வந்தது நாட்கணக்கில் விளையாடும் டெஸ்ட் போட்டிகள் தான். ஆரம்பத்தில் 5 நாட்களுக்கும் மேல் விளையாடப்பட்ட டெஸ்ட் போட்டிகள் பின்னர் சரியான விதிகள் வகுக்கப்பட்டு 5 நாட்கள் ஆனது. பின்னர் படிப்படியாக விதிகள் மேம்படுத்தப்பட்டு, தற்போது வரை பயனித்துள்ளது டெஸ்ட் போட்டிகள். 1877ல் இங்கிலாந்து அணி, ஆஸ்திரேலியா சுற்றுப்பயணம் செய்து விளையாடியது. மெல்போர்னில் நடைபெற்ற கிரிக்கெட் வரலாற்றின் முதல் டெஸ்ட் போட்டியில் ஆஸ்திரேலிய அணி 46 ரன் வித்யாசத்தில் வெற்றி பெற்றது. அப்போதிலிருந்து தற்போது வரை (ஆக்.11 2017) 2280 டெஸ்ட் போட்டிகள் விளையாடப்பட்டுள்ளன. தற்போது வரை 12 அணிகளுக்கு (ஆப்கன், அயர்லாந்து உட்பட) டெஸ்ட் போட்டிகள் விளையாடும் அங்கீகாரம் கொடுக்கப்பட்டுள்ளது. பல அணிகள் விளையாடினாலும் டெஸ்ட் போட்டிகளின் உட்ச தர்த்துடன் விளையாடி ஆதிக்கம் செலுத்துவது இங்கிலாந்து, ஆஸ்திரேலியா, தென்னாப்பிரிக்கா போன்ற சில நாடுகள் தான். டெஸ்ட் போட்டிகளில் சிறந்த தொடராக இங்கிலாந்து மற்றும் ஆஸ்திரேலிய அணிகள் மோதும் ஆசஷ் தொடர் கருதப்படுகிறது. தற்போது டெஸ்ட் போட்டிகளை அதிகம் வென்றுள்ள முதல் 10 அணிகளைப் பார்ப்போம். 10.வங்கதேசம் - வங்கதேச அணி 1971ல் இருந்து தொழில் முறையாக கிரிக்கெட் ஆடி வந்தாலும் 2000த்தில் தான் அந்த அணிக்கு டெஸ்ட் போட்டிகள் விளையாடும் அந்தஸ்து கொடுக்கப்பட்டது. இதுவரை 108 டெஸ்ட் போட்டிகளில் ஆடியுள்ள வங்கதேச அணி வெறும் 10 டெஸ்ட் போட்டிகளில் தான் வென்றுள்ளது. அதிகபட்சமாக 82 தோல்விகளை சந்தித்து 16 போட்டிகளை ட்ரா செய்துள்ளது. 9.ஜிம்பாப்வே 1992ல் இருந்து டெஸ்ட் போட்டிகளில் விளையாடி வரும் ஆப்பிரிக்க அணி இது. துவக்க முதலே நல்ல பல உலகத்தர வீரர்களை கொடுத்து வந்த அணி. பின்னர், கிரிக்கெட் வாரியத்தில் நிற வேற்றுமை பிரச்சனை தலை தூக்க தற்போது அந்நாட்டின் கிரிக்கெட் வாழ்ச்சியடைந்து வருகிறது. ஜிம்பாவே அணி 105 டெஸ்ட் போட்டிகளில் விளையாடி, 11 வெற்றி, 67 தோல்வி மற்றும் 27 ட்ரா என வைத்துள்ளது. 8.இலங்கை இந்த 84 வெற்றிகளில் 70+ வெற்றிகள் இலங்கை மண்ணில் நடைபெற்றது. மேலும், ஒரு புள்ளி விவரத்தின் படி , இலங்கை அணி இந்தியாவில் ஒரு டெஸ்ட் போட்டிகளில் கூட இது வ்ரை வென்றதில்லை எனத் தெரிகிறது. 1982 முதல் டெஸ்ட் போட்டிகளில் விளையாடி வரும் இலங்கை இந்த 35 வருடங்களில் 274 டெஸ்ட் போட்டிகளில் விளையாடி 88 வெற்றிகள், 101 தோல்விகள் மற்றும் 85 போட்டிகளில் ட்ராவும் செய்துள்ளது. 7.நியூஸிலாந்து 1930 முதல் தற்போது வரை 426 டெஸ்ட் போட்டிகளில் விளையாடியுள்ளது நியூஸிலாந்து. ஆனால், வெறும் 92 வெற்றிகளை மட்டுமே பெற்றுள்ளது. வெற்றி/தோல்வி விகிதம் மிகக் குறைவாக 0.541 மட்டுமே உள்ளது. மேலும், 426 போட்டிகளில் 170 தோல்விகளை சந்தித்து 164 போட்டிகளில் ட்ரா செய்துள்ளது நியூஸிலாந்து அணி. 6.பாகிஸ்தான் இந்தியா-பாகிஸ்தான் பிரிந்த பின்பு 1952ல் இருந்து டெஸ்ட் போட்டிகளில் தனியாக பாகிஸ்தான் நாடு விளையாடி வருகிறது. தற்போது வரை மொத்தம் 415 டெஸ்ட் போட்டிகளில் விளையாடியுள்ளது. அதில் 134 வெற்றிகள், 123 தோல்விகள், 158 ட்ராவையும் சந்தித்துள்ளது. 5.இந்தியா அனைத்து விதமான போட்டிகளிலும் அதிகப்படியாக விளையாடியுள்ளது இந்திய அணி. 1932 முதல் இந்திய அணி தன்னை டெஸ்ட் போட்டிகளில் அங்கீகரித்து விளையாடி வருகிறது. அக்காலம் முதலே திறமை வாய்ந்த உலகத்தரம் மிக்க வீரர்களை உலகின் கிரிக்கெட்டிற்கு கொடுத்து வந்தாலும். இந்திய அணியால் கிரிக்கெட் உலகில் தனிபெஊர்ம் சக்தியாக ஆதிக்கம் செலுத்த இயலவில்லை. கபில் தேவ் காலத்தில் துவங்கிய அணியின் ஒழுங்குபடுத்துதல் அசாருதின், கங்குலி என ஒரளவிற்கு வளர்ச்சியடைந்து, தோனி காலத்தில் ஆதிக்கம் செலுத்த துவங்கி தற்போது கோலி அதனை அடுத்த நிலைக்கு கொண்டு சென்றுள்ளார். இந்திய அணி மொத்தம் 527 டெஸ்ட் போட்டிகளில் விளையாடி 146 போட்டிகளில் வெற்றி பெற்று, 164 போட்டிகளில் தோல்வி அடைந்து, 216 போட்டிகளில் ட்ரா செய்தும், 1 போட்டி டையாகவும் முடிந்துள்ளது. 4.தென்னாப்பிரிக்கா ஒருநாள் போட்டிகளில் 1991ல் தான் ஆடத் துவங்கியது தென்னாப்பிரிக்கா. ஆனால், டெஸ்ட் போட்டிகளில் இங்கிலாந்து மற்றும் ஆஸ்திரேலிய அணிகளுக்குப் பிறகு டெஸ்ட் ஆடிய மூன்றாவது அணி தென்னாப்பிரிக்க அணி தான். 1889ல் இருந்து டெஸ்ட் போட்டிகளை இங்கிலாந்து காலனியாக ஆடியது. பின்னர் சுதந்திரம் பெற்று தனி நாடாக ஆடியது தென்னாப்பிரிக்கா. (Photo Source: Getty Images) தற்போது வரை, 427 டெஸ்ட் போட்டிகளில் விளையாடியுள்ள தென்னாப்பிரிக்கா, 161 போட்டிகளில் வென்றுள்ளது. அதே போல்,142 போட்டிகளில் தோல்வியும்,124 போட்டிகளில் ட்ராவும் செய்துள்ளது. 3.மேற்கிந்திய தீவுகள் இங்கிலாந்தின் காலனி நாடுகளான இது, 1932 முதல் டெஸ்ட் போட்டிகளில் ஆடி வருகிறது. தற்போதையை வெஸ்ட் இண்டீஸ் அணி டெஸ்ட் போட்டிகளில் சற்று சோபிக்கத் தவறினாலும், 80 மற்றும் 90களில் ஒரு அசுரத்தனமான டெஸ்ட் அணி அது. மொத்தம் 535 டெஸ்ட் போட்டிகளில் ஆடியுள்ள இந்த அணி 171 போட்டிகளில் வெற்றி பெற்றுள்ளது. 188 போட்டிகளில் தோல்வியும், 175 போட்டிகளில் ட்ராவும் செய்துள்ளது. 2.இங்கிலாந்து டெஸ்ட் ஜாம்வான் அணிகளில் ஒன்று இங்கிலாந்து. கிரிக்கெட்டை கண்டுபிடித்து, விதிகளை எழுதி இன்று வரை தரமாக விளையாடி டெஸ்ட் போட்டியை பாதுகாத்து வருகிறது. கிரிக்கெட்டின் முதல் போட்டியை விளையாடிய அணியும் இது தான். உலகின் அதிக டெஸ்ட் போட்டிகளை விளையாடியதும் இந்த அணி தான். England's James Anderson (centre) and the rest of the England team celebrate winning the First Investec Ashes Test match at Trent Bridge, Nottingham. 1004 போட்டிகளில், 361 வெற்றி, 298 தோல்வி, 345 ட்ரா செய்துள்ளது. 1.ஆஸ்திரேலியா கிரிக்கெட்டில் வல்லாதிக்கம் கொண்ட நாடு ஆஸ்திரேலியா. டெஸ்ட் போட்டிகளிலும் தன் ஆதிக்கத்தை செலுத்தி இந்த பட்டியலில் முதல் இடத்தில் உள்ளது. ஆடுகளத்தில் இறங்கிவிட்டால் போர்க்குணத்துடன் 5 நாட்களூம் விளையாடும் நாடு இது. தற்போது வரை 812 டெஸ்ட் போட்டிகளில் விளையாடி, அதிகபட்சமாக 383 டெஸ்ட் போட்டிகளில் வெற்றிபெற்றுள்ளது. 219 போட்டிகளி மட்டுமே தோல்வியையும் 208 போட்டிகளில் மட்டுமே ட்ராவையும் சந்தித்துள்ளது ஆஸ்திரேலியா. (Stats updated till 12th September, 2018)

2.இங்கிலாந்து

Leave a comment