ஐ.பி.எல் 2018; அதிக ரன்கள் குவித்துள்ள டாப் 5 வீரர்கள் பட்டியல் !! - Page 5 of 5

ஐ.பி.எல் 2018; அதிக ரன்கள் குவித்துள்ள டாப் 5 வீரர்கள் பட்டியல் கடந்த ஏப்ரல் மாதம் 7ம் தேதி துவங்கிய ஐ.பி.எல் டி.20 தொடரின் 11வது சீசனின் லீக் போட்டிகள் நேற்றோடு முடிவடைந்தது. இதில் கேன் வில்லியம்சன் தலைமையிலான ஹைதராபாத் அணி, தோனி தலைமையிலான சென்னை சூப்பர் கிங்ஸ் அணி, தினேஷ் கார்த்திக் தலைமையிலான கொல்கத்தா நைட் ரைடர்ஸ் அணி மற்றும் ரஹானே தலைமையிலான ராஜஸ்தான் ராயல்ஸ் அணிகள் லீக் தொடரில் அதிக வெற்றிகள் பெற்று புள்ளி பட்டியலில் முதல் நான்கு இடத்தில் இருந்ததன் மூலம் ப்ளே ஆஃப் சுற்றுக்கு தகுதி பெற்றுள்ளன. இந்நிலையில் இந்த தொடரில் இதுவரை அதிக ரன்கள் குவித்துள்ள டாப் 5 வீரர்கள் பட்டியலை இங்கு பார்ப்போம். 5., ஜாஸ் பட்லர்; ராஜஸ்தான் ராயல்ஸ் அணியின் மிடில் ஆர்டரில் களமிறங்கி தொடர்ந்து சொதப்பிய பட்லர், கடைசி சில போட்டிகளில் துவக்க வீரராக களமிறங்கி தொடர்ச்சியாக ஐந்து போட்டிகளில் அரைசதம் கடந்து பல சாதனைகள் படைத்தார். ராஜஸ்தான் ராயல்ஸ் அணி தற்போது ப்ளே ஆஃப் சுற்றுக்கு தகுதி பெற்றுள்ளதற்கு மிக முக்கிய காரணமாக திகழ்ந்த ஜாஸ் பட்லர் இதுவரை விளையாடியுள்ள 13 போட்டிகளிலும் சேர்த்து 548 ரன்கள் எடுத்து இந்த பட்டியலில் 5வது இடத்தில் உள்ளார். 4., அம்பத்தி ராயூடு; சென்னை சூப்பர் கிங்ஸ் அணியின் துவக்க வீரரான அம்பத்தி ராயூடு இந்த தொடரின் துவக்கத்தில் இருந்தே அபாரமாக செயல்பட்டு சென்னை அணியின் ஒவ்வொரு வெற்றியிலும் முக்கிய பங்காற்றி வருகிறார். இதுவரை 586 ரன்கள் குவித்துள்ள ராயூடு இந்த பட்டியலில் நான்காவது இடத்தில் இருக்கிறார். இதில் மூன்று அரைசதமும், ஒரு சதமும் அடங்கும். 3.,கே.எல் ராகுல் பஞ்சாப் அணி பல போட்டிகளில் வெற்றி பெறுவதற்கு தனி ஒருவனாக போராடிய கே.எல் ராகுல் இதுவரை 659 ரன்கள் குவித்து இந்த பட்டியலில் மூன்றாவது இடத்தில் உள்ளார். 2., கேன் வில்லியம்சன் சன் ரைசர்ஸ் ஹைதராபாத் அணியின் கேப்டனான கேன் வில்லியம்சன் ஒரு அணியின் கேப்டனாக ஹைதராபாத் அணியை வெற்றி பாதையில் அழைத்து சென்றது மட்டுமல்லாமல் தனது தனிப்பட்ட ஆட்டத்திலும் கவனம் செலுத்தி ஹைதரபாத் அணியின் பேட்டிங் வரிசையில் தூணாக இருந்து வரும் கேன் வில்லியம்சன் இந்த தொடரில் 8 அரைசதத்துடன் 661 ரன்கள் சேர்த்து இந்த பட்டியலில் இரண்டாவது இடத்தில் உள்ளார். 1., ரிஷப் பண்ட் சின்ன டிவில்லியர்ஸ் என்று பெயர் எடுக்கும் அளவிற்கு இந்த தொடரின் ஒவ்வொரு போட்டியில் அபாரமாக விளையாடிய டெல்லி டேர்டெவில்ஸ் அணியின் இளம் வீரர் ரிஷப் பண்ட் ஒரு சதம் மற்றும் ஐந்து அரைசதங்களுடன் 684 ரன்கள் குவித்து இந்த பட்டியலில் முதலிடத்தில் உள்ளார். இவரிடமே தற்போது ஆரஞ்சு நிற தொப்பியும் உள்ளது.

Leave a comment