புதிய சாதனை படைத்த இந்திய கேப்டன் கோஹ்லி !!

புதிய சாதனை படைத்த இந்திய கேப்டன் கோஹ்லி இந்திய கிரிக்கெட் அணியின் கேப்டனான விராட் கோஹ்லி சர்வதேச டெஸ்ட் அரங்கில் புதிய மைல்கல் ஒன்றை எட்டியுள்ளார். சமகால கிரிக்கெட்டில் உலகின் தலைசிறந்த வீரரான கோலி, சாதனைகளையும் சதங்களையும் குவித்து வருகிறார். ஒரு பேட்ஸ்மேனாகவும் கேப்டனாகவும் பழைய சாதனைகளை முறியடித்து புதிய சாதனைகளை படைத்து வருகிறார். இது போட்டிக்கு போட்டி நடந்துவருகிறது. இங்கிலாந்துக்கு எதிரான நான்காவது டெஸ்ட் போட்டியிலும் சாதனையை செய்ய தவறவில்லை கோலி. இந்த போட்டியில் இந்திய அணி 60 ரன்கள் வித்தியாசத்தில் தோல்வியை தழுவி டெஸ்ட் தொடரை இங்கிலாந்திடம் இழந்தது. இந்த போட்டியிலும் இரண்டு இன்னிங்ஸிலும் கோலி சிறப்பாக ஆடினார். முதல் இன்னிங்ஸில் 46 ரன்களும் இரண்டாவது இன்னிங்ஸில் 58 ரன்களும் எடுத்தார். இதன்மூலம் டெஸ்ட் கிரிக்கெட்டில் கேப்டனாக 4000 எடுத்த முதல் இந்திய கேப்டன் என்ற பெருமையை கோலி பெற்றுள்ளார். மேலும் சர்வதேச அளவில் மிகக்குறைந்த இன்னிங்ஸ்களில் 4000 ரன்களை கடந்த கேப்டன் என்ற பெருமையையும் கோலி பெற்றுள்ளார். கோலி கேப்டனாக, 65 இன்னிங்ஸ்களில் 4000 டெஸ்ட் ரன்களை கடந்துள்ளார். கோலிக்கு அடுத்து, 71 இன்னிங்ஸ்களில் 4000 ரன்களை கடந்த பிரயன் லாரா இரண்டாவது இடத்திலும் 75 இன்னிங்ஸ்களில் இந்த மைல்கல்லை எட்டிய ரிக்கி பாண்டிங் மூன்றாவது இடத்திலும் உள்ளனர். சர்வதேச டெஸ்ட் அரங்கில் அதி வேகமாக 4000 ரன்களை கடந்த கேப்டன்கள் பட்டியல்; விராட் கோஹ்லி; இந்திய கிரிக்கெட் அணியின் கேப்டனான விராட் கோஹ்லி வெறும் 65 இன்னிங்ஸில் 4000 ரன்களை கடந்து இந்த பட்டியலில் முதலிடத்தை பிடித்துள்ளார். பிரைன் லாரா; கிரிக்கெட் உலகின் முன்னாள் ஜாம்பவனான பிரைன் லாரா 71 இன்னிங்ஸில் 4000 ரன்களை கடந்திருப்பதன் மூலம் இந்த பட்டியலில் இரண்டாவது இடத்தில் உள்ளார். லாராவின் இந்த சாதனையை தான் கோஹ்லி தற்போது முறியடித்துள்ளார். ரிக்கி பாண்டிங்; ஆஸ்திரேலிய கிரிக்கெட் அணியின் முன்னாள் கேப்டனான ரிக்கி பாண்டிங் 75 இன்னிங்ஸில் 4000 ரன்களை கடந்துள்ளார். சேப்பல் கிரிக்கெட் உலகின் முன்னாள் ஜாம்பவனான சேப்பல் 80 இன்னிங்ஸில் 4000 ரன்களை கடந்திருப்பதன் மூலம் இந்த பட்டியலில் நான்காவது இடத்தில் உள்ளார். பார்டர்; முன்னாள் வீரரான பார்டர் மொத்தம் 83 இன்னிங்ஸில் 4000 ரன்களை கடந்திருப்பதன் மூலம் இந்த பட்டியலில் ஐந்தாவது இடத்தில் உள்ளார். Australian cricketer Allan Border batting during the 1st test match against England at Nottingham, June 1981. (Photo by Adrian Murrell/Getty Images)

Leave a comment