ஒரே ஒரு செயலால் ஒட்டுமொத்த கிரிக்கெட் ரசிகர்களின் மனதையும் கவர்ந்த பென் ஸ்டோக்ஸ்
ஹைதராபாத் அணிக்கு எதிரான ஐபிஎல்., தொடரின் லீக் போட்டியில், ராஜஸ்தான் வீரர் பென் ஸ்டோக்ஸ் நியாயமாக நடந்துகொண்டு ஒட்டு மொத்த ரசிகர்களின் மனதை வென்றார்.
இந்தியாவில் கடந்த 2008 முதல் உள்ளூர் டி-20 கிரிக்கெட் தொடரான இந்தியன் பிரிமியர் லீக் (ஐபிஎல்.,) கிரிக்கெட் தொடர் நடக்கிறது. இந்த ஆண்டுகான தொடர் முக்கிய நகரங்களில் தற்போது நடக்கிறது.
இதில் ஜெய்ப்பூரில் நடக்கும் 28வது லீக் போட்டியில் ராஜஸ்தான் ராயல்ஸ் அணி, சன் ரைசர்ஸ் ஹைதராபாத் அணியை எதிர்க்கொள்கிறது. இதில் ‘டாஸ்’ வென்ற ஹைதராபாத் அணி கேப்டன் முதலில் ‘பேட்டிங்’ தேர்வு செய்தார்.
இதையடுத்து களமிறங்கிய ஹைதராபாத் அணிக்கு கேப்டன் வில்லியம்சன் (63) அரைசதம் அடித்து கை கொடுக்க, ஹைதராபாத் அணி, 20 ஓவரில் 7 விக்கெட்டுக்கு 151 ரன்கள் எடுத்தது.
வீடியோ;
இதில் சோதி வீசிய போட்டியின் 9 வது ஓவரின் முதல் பந்தை ஹைதராபாத் வீரர் ஹேல்ஸ், ராஜஸ்தான் வீரர் பென் ஸ்டோக்ஸ் பக்கமாக தூக்கி அடித்தார். பந்தை நோக்கி வந்த ஸ்டேக்ஸ், அதை தாவி பிடிக்க முயன்றார். அதில் பந்து தரையில் பட்டது.
இதை அம்பயர்கள் சோதிக்கும் முன்பே, நியாயமாக அவுட் இல்லை என, நேரத்தை வீணடிக்காமல் ஸ்டோக்ஸ் தெரிவித்தார். இது ஒட்டுமொத்த ரசிகர்களையும் கவர்ந்தது.