அடுத்த சீசன் முதல் கிரிக்கெட் வீரர்களுக்கு, நூறு சதவீதம் சம்பளம் அதிகரிக்கப்பட உள்ளதாக செய்திகள் வந்துள்ளன.
பிசிசிஐ எனப்படும் இந்திய கிரிக்கெட் வாரியத்தின் வருமானம் அதிகரிப்பதால், அதற்கு ஏற்றவாறு கிரிக்கெட் வீரர்களின் சம்பளமும் உயர்த்த வேண்டும் என்று கோரிக்கை வலியுறுத்தப்பட்டு வந்தது.
இந்நிலையில், கிரிக்கெட் வீரர்களின் கோரிக்கை உள்ளிட்ட பல்வேறு விவகாரங்களை விவாதிப்பதற்காக உச்சநீதிமன்றம் தலைமையில் அமைக்கப்பட்ட நிர்வாகிகளின் கமிட்டி, வீரர்களின் சம்பள உயர்வுக்கு ஒத்துழைப்பு தந்துள்ளது.
தற்போது பிசிசிஐக்க வரும் ஆண்டு வருமானத்தில் 26 சதவீத்தை, வீரர்களுக்கு சம்பளமாக கொடுக்கப்பட்டு வருகிறது. வீரர்களை ஏ, பி, சி பிரிவாக பிரிக்கப்பட்டு, முறையே 2 கோடி, 1 கோடி, 50 லட்சம் என ஆண்டு வருமானமாக வழங்கப்படுகிறது.
இதில், இந்திய அணியின் கேப்டன் விராட் கோலி, 5.51 கோடி ரூபாய் சம்பளம் பெற்று வந்தார். தற்போது இந்த புதிய சம்பள உயர்வுக்குப் பின் 10 கோடி ரூபாய் பெறுவார் என்று எதிர்பார்க்கப்படுகிறது.
இதே போல், இந்திய அணியில் உள்ள அனைத்து கிரிக்கெட் வீரர்களுக்கும் நூறு சம்பள உயர்வு வழங்கப்படும் என்று எதிர்பார்க்கப்படுகிறது.
