சென்னை அணி செய்த மிகப்பெரிய முட்டால்தனம் இந்த 3 வீரர்களை விட்டது தான் !! - Page 2 of 3

நடப்பு சாம்பியனான சென்னை அணி 2022 ஐபிஎல் தொடரில் சொல்லிக்கொள்ளும் அளவிற்கு விளையாடவில்லை, சென்னை அணி தான் எதிர்கொண்டு முதல் 5 போட்டியில் ஒன்றில் மட்டுமே வெற்றி பெற்றுள்ளது. இந்தத் தொடர் தோல்வியின் எதிரொலியால் சென்னை அணி அடுத்தடுத்து வரும் போட்டிகளில் எந்த ஒரு தவறும் செய்யாமல் வெற்றி பெற வேண்டும் என்ற கட்டாயத்தில் தள்ளப்பட்டுள்ளது. இதற்கு முக்கிய காரணமாக சென்னை அணியில் போதுமான வீரர்கள் இடம் பெறவில்லை என்பதே அனைவரின் கருத்தாக உள்ளது. இந்த நிலையில் இந்த மூன்று வீரர்கள் சென்னை அணியில் இல்லாமல் போனது சென்னை அணிக்கு மிகப்பெரும் பலவீனமாக அமைந்துவிட்டது என்று கிரிக்கெட் வல்லுனர்கள் கருதுகின்றனர். அப்படிப்பட்ட 3 வீரர்கள் பற்றி இங்கு காண்போம் தீபக் சஹர் 2022 ஐபிஎல் தொடரில் சென்னை அணி இப்படி பரிதாபமாக விளையாடுகிறது என்றால் அதற்கு முக்கிய காரணம் சென்னை அணியின் பந்துவீச்சு சரியாக இல்லாதது தான். ஒருவேளை தீபக் சகர் காயம் காரணமாக அணியிலிருந்து விலகவில்லை என்றால் சென்னை அணியின் நிலைமை நன்றாக இருந்திருக்கும், பேட்டிங் மற்றும் பந்து வீச்சில் அதிரடியாக விளையாட கூடிய திறமை படைத்த தீபக் சஹர் சென்னை அணிக்கு விளையாடமல் போனது மிகப்பெரும் துரதிர்ஷ்டம் என்று ரசிகர்கள் உட்பட பெரும்பாலானோர் கருதுகின்றனர். டூப்லஸ்ஸிஸ் 2022 ஐபிஎல் தொடரில் சென்னை அணி, சவுத்ஆப்பிரிக்கா அணியின் நட்சத்திர பேட்ஸ்மேன் டுப்லசிஸ் தேர்வு செய்யாமல் போனது மிகப் பெரிய முட்டாள்தனம் என்று கூறும் அளவிற்கு சென்னை அணியில் டுப்லசிஸ் ஒரு மிகச்சிறந்த வீரராக வலம் வந்தார். ஒருவேளை இவர் மட்டும் சென்னை அணியில் இருந்திருந்தால் சென்னை அணி புள்ளி பட்டியலில் நல்ல இடத்தில் இருந்திருக்கும் என்று கிரிக்கெட் வல்லுனர்கள் கருதுகின்றனர். சுரேஷ் ரெய்னா சென்னை அணியின் ஒரு அடையாளம் மகேந்திர சிங் தோனி என்றால் மற்றொரு அடையாளமாகக் கருதப்பட்ட சுரேஷ் ரெய்னாவை 2022 ஐபிஎல் தொடரின் சென்னை அணி தேர்ந்தெடுக்கவில்லை. இவரை எக்காரணத்தைக் கொண்டும் சென்னை அணி விட்டுவிடாது என்று எதிர்பார்த்த நிலையில்,ஏலத்தில் இவரை ஒரு பொருட்டாகவே கருதவில்லை. ஒருவேளை ரெய்னா மட்டும் சென்னை அணி இருந்திருந்தால் அது பேட்டிங்கில் கூடுதல் பலமாக அமைந்திருக்கும் என்று கருதப்படுகிறது.

Leave a comment