ஐ.பி.எல் 2018 ஏலம்… விலை போகாத முன்னணி வீரர்கள் !! - Page 6 of 7

ஐ.பி.எல் 2018 ஏலம்… விலை போகாத முன்னணி வீரர்கள் சர்வதேச கிரிக்கெட் அரங்கில் கிங்காக இருக்கும் பல முன்னணி வீரர்களை அவர்களது அடிப்படை விலை கூட கொடுத்து யாரும் வாங்க முன்வராத விநோதம், ஐ.பி.எல் 2018ம் ஆண்டிற்கான ஏலத்தில் அரங்கேறியது. உள்ளூர் டி.20 தொடரான ஐ.பி.எல் தொடர் இந்தியாவில் ஆண்டுதோறும் மிக பிரமாண்டமாக நடத்தப்பட்டு வருகிறது. இதில் இந்த ஆண்டுக்கான தொடர் வரும் ஏப்ரல் மாதம் 6ம் தேதி துவங்க உள்ள நிலையில், இதில் பங்கேற்கும் வீரர்களுக்கான ஏலம் ஜனவரி 27 மற்றும் 28ம் தேதி பெங்களூரில் நடைபெற்றது. இதில் பெயர் தெரியாத இளம் வீரர்களை கூட பல அணிகளும் கோடி கோடியாய் கொடுத்து ஏலத்தில் எடுத்தாலும், ஜோ ரூட் , ஹசீம் ஆம்லா போன்ற சர்வதேச கிரிக்கெட் அரங்கில் கிங்காக இருக்கும் முன்னணி வீரர்கள் பலரை எந்த அணியும் அவர்களது அடிப்படை விலையை கூட கொடுத்து வாங்க முன்வரவில்லை. அப்படி அனைத்து அணிகளாலும் புறக்கணிக்கப்பட்ட சில முன்னணி வீரர்கள் பட்டியலை இங்கு பார்போம். லசீத் மலிங்கா; ஒரு காலத்தில் தனது யார்கர் பந்து வீச்சு மூலம் உலக கிரிக்கெட் அணிகளையும் மிரள வைத்தவர் தற்போது தனது அணியில் கூட இடம்பெற முடியாமல் தவித்து வருகிறார். மும்பை இந்தியன்ஸ் உள்ளிட்ட அணிகளுக்கான விளையாடியுள்ள இவரை இந்த முறை எந்த அணியும் அவரது அடிப்படை விலை கூட கொடுத்து வாங்க முன்வரவில்லை. ஹசீம் ஆம்லா., சமீப கால கிரிக்கெட் அரங்கில், ஒவ்வொரு போட்டியிலும் ஒவ்வொரு சாதனை என்று சொல்லும் அளவிற்கு சாதனைகளை குவித்து வரும் தென் ஆப்ரிக்கா அணியின் துவக்க வீரர் ஹசீம் ஆம்லாவும் இந்த ஏலத்தில் விலை போகவில்லை. கடந்த ஐ.பி.எல் தொடரில் கூட பஞ்சாப் அணிக்காக இரண்டு சதம் அடித்த இவரை பஞ்சாப் அணி கூட எடுக்காதது ரசிகர்களிடம் அதிர்ச்சியை ஏற்படுத்தியது. ஜோ ரூட்., 2017ம் ஆண்டிற்கான ஐ.பி.எல் ஏலத்தில் இவர் கலந்திருந்தால், கடந்த ஆண்டு ஸ்டோக்ஸை விட இவருக்கு தான் ஒவ்வொரு அணியும் மல்லுக்கட்டியிருக்கும் என்று அனைவராலும் கருதப்பட்ட இங்கிலாந்து அணியின் கேப்டன் ஜோ ரூட் இந்த வருடத்திற்கான ஏலத்தில் தான் முதன்முறையாக கலந்து கொண்டார். ஆனால் ஒரு அணி கூட இவரை ஏலத்தில் எடுக்கவில்லை. மார்டின் கப்தில் ; நியூசிலாந்து கிரிக்கெட் அணியின் துவக்க வீரரான இவர், கடந்த வருட ஐ.பி.எல் தொடரில் மொத்தம் 10 போட்டிகளில் விளையாடி 189 ரன்கள் குவித்தவர். இவர் தனக்கான அடிப்படை விலையாக நிர்ணயித்திருந்த 75 லட்சம் ரூபாயை கூட எந்த அணியும் வாங்கவில்லை. மிட்செல் மெக்லெங்கன் ; கடந்த 2015ம் ஆண்டில் இருந்து மும்பை இந்தியன்ஸ் அணிக்காக விளையாடி வரும் இவர், மும்பை இந்தியன்ஸ் அணி முக்கிய போட்டிகளில் வெற்றி பெறுவதற்கும் காரணம் திகழ்ந்திருக்கிறார். இவரையும் இந்த முறை எந்த அணியும் விலை கொடுத்து வாங்கவில்லை. ஜேம்ஸ் ஃபால்கனர்; ஆஸ்திரேலிய கிரிக்கெட் அணியின் ஆல் ரவுண்டரான ஃபால்கனர், இதுவரை குஜராத் லயன்ஸ், ராஜ்ஸ்தான், பஞ்சாப் உள்ளிட்ட அணிக்களுக்காக விளையாடியுள்ளார். பல முக்கிய போட்டிகளில் தான் சார்ந்திருந்த அணியின் வெற்றிக்கு காரணமாகவும் திகழ்ந்த இவரையும் யாரும் இந்த தொடரில் கண்டு கொள்ளவில்லை. சேன் மார்ஷ்; ஐ.பி.எல் தொடரின் துவக்கத்தில் இருந்து பஞ்சாப் அணிக்காக கடந்த 10 வருடங்களாக விளையாடி வந்த இவர், அந்த அணியின் முன்னேற்றத்தில் மிக முக்கிய பங்காற்றியவர். கடந்த தொடரில் மொத்தம் 9 போட்டிகளில் விளையாடி மொத்தம் 264 ரன்கள் குவித்த இவரை பஞ்சாப் நிர்வாகம் கைவிட்டது பஞ்சாப் ரசிகர்கள் மத்தியிலும் அதிர்ச்சியை ஏற்படுத்தியது.

ஜேம்ஸ் ஃபால்கனர்;

Leave a comment