இன்று நடைபெறும் நியூசிலாந்து அணிக்கு எதிரான இந்தியா அணியின் முதல் ஒருநாள் கிரிக்கெட் போட்டி இந்திய கேப்டன் விராட் கோலி தனது 200 ஒருநாள் போட்டியாகும்.
இந்தியா வந்திருக்கும் நியூசிலாந்து கிரிக்கெட் அணி மூன்று போட்டிகள் கொண்ட் ஒருநாள் தொடரிலும் தொடர்ந்து மூன்று போட்டிகள் கொண்ட் டி20 தொடரிலும் விளையாடுகிறது. முதலில் நடைபெறும் ஒருநாள் தொடரின் முதல் ஆட்டம் இன்று மும்பை வான்கடே மைதானத்தில் பகலிரவு ஆட்டமாக நடக்கிறது.
இப்போட்டி இந்திய அணியின் கேப்டன் விராட் கோலிக்கு 200வது ஒருநாள் போட்டியாகும். ஆஸ்திரேலியாவுக்கு எதிரான தொடரில் குறிப்பிடத்தக்க வகையில் ரன்குவிக்காத கோலி இப்போட்டியில் தனது அதிரடி பேட்டிங்கிற்கு திரும்புவார் என்று அவர் ரசிகர்கள் காத்திருக்கின்றனர்.
அதே சமயத்தில் ஆஸ்திரேலியாவுக்கு எதிரான ஒருநாள் தொடரை 4-1 என வென்று நம்பர் 1 ஒருநாள் போட்டி அணியாக மாறியுள்ள இந்திய அணி அந்த இடத்தைத் தக்கவைக்க தொடர்ந்து வெற்றி வேட்டை நடத்த வேண்டியது அவசியம். வெஸ்ட் இண்டீஸ், இலங்கை, ஆஸ்திரேலியா அணிகளுக்கு எதிரான தொடர்களை வென்றிருக்கும் இந்திய அணி இந்த வெற்றி நடையைத் தொடர முனைப்புடன் இருக்கும் என்பதே இந்திய கிரிக்கெட் ரசிகர்களின் நம்பிக்கை.
இதனை கருத்தில் கொண்டு இன்றைய போட்டியில் கேப்டன் கோலியின் பங்களிப்பு சிறப்பாக இருக்கும் என்று எதிர்பார்க்கலாம்.
