ஹர்திக் பாண்டியா, சஞ்சு சாம்சன் தேவையே இல்ல… டி.20 உலகக்கோப்பையை வெல்ல இவர்கள் போதும்; உலகக்கோப்பை தொடருக்கான இந்திய அணியை தேர்வு செய்த அம்பத்தி ராயூடு
முன்னாள் கிரிக்கெட் வீரரான அம்பத்தி ராயூடு, எதிர்வரும் டி.20 உலகக்கோப்பை கிரிக்கெட் தொடருக்கான அவரது இந்திய அணியை தேர்வு செய்து அறிவித்துள்ளார்.
சர்வதேச டி.20 போட்டிகளுக்கான சாம்பியனை தீர்மானிக்கும் டி.20 உலகக்கோப்பை கிரிக்கெட் தொடர் ஜூன் மாதம் துவங்க உள்ளது.
டி.20 உலகக்கோப்பை தொடருக்கான இந்திய அணி அடுத்த சில தினங்களில் அறிவிக்கப்படும் என எதிர்பார்க்கப்படுகிறது. டி.20 உலகக்கோப்பை தொடருக்கான இந்திய அணியை இறுதி செய்வதில், நடப்பு ஐபிஎல் தொடரின் பங்கு மிக முக்கியமானதாக இருக்கும் என எதிர்பார்கக்ப்படுகிறது.
நடப்பு ஐபிஎல் தொடரில் சஞ்சு சாம்சன், ரியான் பிராக், ஜெய்ஸ்வால், ருத்துராஜ் கெய்க்வாட், மாயன்க் யாதவ் உள்ளிட்ட இளம் வீரர்கள் பலரும் குறை சொல்ல முடியாத அளவிற்கான சிறப்பான ஆட்டத்தை வெளிப்படுத்தி வருவதால், டி.20 உலகக்கோப்பை தொடரில் யார் யாருக்கு இடம் கிடைக்கும் என்பதில் தொடர்ந்து குழப்பம் நிலவி வருகிறது.
இந்தநிலையில், எதிர்வரும் டி.20 உலகக்கோப்பை தொடர் குறித்து பல்வேறு விசயங்கள் பேசி வரும் முன்னாள் இந்திய வீரரும், தற்போதைய கிரிக்கெட் வர்ணனையாளருமான அம்பத்தி ராயூடு, டி.20 உலகக்கோப்பை தொடருக்கான அவரது இந்திய அணியையும் தேர்வு செய்து அறிவித்துள்ளார்.
அம்பத்தி ராயூடு தேர்வு செய்துள்ள உலகக்கோப்பை தொடருக்கான இந்திய அணியின் துவக்க வீரர்களாக ரோஹித் சர்மா மற்றும் ஜெய்ஸ்வால் ஆகியோர் இடம்பெற்றுள்ளனர். மிடில் ஆர்டரில் விராட் கோலி, ரியான் பிராக், சூர்யகுமார் யாதவ், ரிங்கு சிங் மற்றும் சிவம் துபே ஆகியோரை அம்பத்தி ராயூடு தேர்வு செய்துள்ளார்.
விக்கெட் கீப்பராக சீனியர் வீரரான தினேஷ் கார்த்திக்கை தேர்வு செய்துள்ள அம்பத்தி ராயூடு, நடப்பு ஐபிஎல் தொடரில் சிறப்பான பேட்டிங்கை வெளிப்படுத்தி வரும் சஞ்சு சாம்சனிற்கு இடம் கொடுக்கவில்லை. அதே போன்று இஷான் கிஷன், கே.எல் ராகுல், ரிஷப் பண்ட் போன்ற வீரர்களுக்கும் அம்பத்தி ராயூடு தனது அணியில் இடம் கொடுக்கவில்லை.
ஆல் ரவுண்டர்கள் வரிசையில் ரவீந்திர ஜடேஜாவை தேர்வு செய்துள்ள அம்பத்தி ராயூடு ஹர்திக் பாண்டியாவிற்கு தனது அணியில் இடம் கொடுக்கவில்லை. பந்துவீச்சாளர்களாக யுஸ்வேந்திர சாஹல், குல்தீப் யாதவ், பும்ராஹ், மாயன்க் யாதவ் மற்றும் அர்ஸ்தீப் சிங் ஆகியோருக்கு அம்பத்தி ராயூடு தனது அணியில் இடம் கொடுத்துள்ளது.
அம்பத்தி ராயூடு தேர்வு செய்துள்ள டி.20 உலகக்கோப்பை தொடருக்கான இந்திய அணி;
ரோஹித் சர்மா, யசஸ்வி ஜெய்ஸ்வால், விராட் கோலி, ரியான் பிராக், சூர்யகுமார் யாதவ், ரிங்கு சிங், தினேஷ் கார்த்திக், சிவம் துபே, மாயன்க் யாதவ், ஜஸ்ப்ரிட் பும்ராஹ், யுஸ்வேந்திர சாஹல், ரவீந்திர ஜடேஜா, அர்ஸ்தீப் சிங், குல்தீப் யாதவ்.