கிரிக்கெட் வரலாற்றில் ரசிகர்கள் மனதை வென்ற நிகழ்வுகள்

பல மில்லியன் கணக்கான மக்களை ஈர்த்த போட்டிகளில் கிரிக்கெட்டும் ஒன்று என்றால் யாராலும் மறுக்க முடியாத ஒன்று. உங்கள் நாட்டுக்காக விளையாடி வெல்ல வேண்டும் என்று தான் ஒவ்வொரு வீரனும் களமிறங்கி போராட துடிப்பான். அதிலும் நாட்டுக்காக வென்று கொடுத்தால் நிச்சயம் பெருமிதம் கொள்ள வைக்கும் அல்லவா. சில நேரங்களில் மக்கள் மனதை வென்ற சம்பவங்களும் இங்கு நிகழ்ந்துள்ளன. அவற்றில் மிக முக்கியமான நிகழ்வுகளை நாம் இங்கு பார்க்க இருக்கிறோம். 1. பிரேட்லீ க்கு பிலின்டாஃப் ஆறுதல் கூறியது.. (Photo Source: Getty Images) ஆஷஸ் தொடர் என்றால் ஆஸ்திரேலியா இங்கிலாந்து அணிகளுக்கு இடையே அனல் பறக்கும் போட்டியாக இருக்கும். வெறி என்று கூட சொல்லலாம். 2005ம் ஆண்டு நடந்த ஆஷஸ் தொடரில் மயிரிலையில் ஆஸ்திரேலியா அணி தோல்வியை கண்டது. வெறும் 2 ரன்கள் எடுத்தால் வெற்றி என்ற நிலையில் தனது கடைசி விக்கெட்டை இழந்தார் பிரெட்லீ. அப்பொழுது பிலின்டாஃப் உடனடியாக பிரெட்லீ அருகில் சென்று ஆறுதல் கூறினார். இது அவருக்கு மட்டுமல்ல ஒட்டுமொத்த ஆஸ்திரேலியா மக்களுக்கும் ஆறுதலாக அமைந்தது. 2. ஸ்டெயினுக்கு கைகொடுத்த எலியட் (Photo Source: Getty Images) 2015ம் ஆண்டு உலகக்கோப்பை அரையிறுதி ஆட்டத்தில் நியூசிலாந்து தென்னாப்ரிக்காவிற்கு நடந்த போட்டியில், கடைசிநேரத்தில் எலியட் சிக்ஸ் அடித்து அணிக்கு வெற்றி பெற்று தந்தார். அதே நேரத்தில் ஸ்டெயின் பந்துவீசி தவறி கீழே விழ, எலியட் கைகொடுத்து தூக்கிவிட்டார். வெற்றி பெற்றுவிட்டு தன் போக்கில் செல்லாமல் கைகொடுத்து தூக்கியதால் அனைவராலும் பாராட்டப்பட்டார். எழுந்துவந்த ஸ்டெயின் வாழ்த்து தெரிவித்து சென்றார் 3. நியூசிலாந்து அணி பிலிப் ஹுக்ஸ் க்கு அஞ்சலி செலுத்தியது.. (Photo Source: Getty Images) நியூசிலாந்து அணியின் மீது பொதுவாக எல்லோருக்கும் நல்ல மதிப்பு இருந்தாலும், ஒவ்வொரு முறையும் அதை போற்றும் விதமாக ஏதேனும் ஒன்று செய்துகொண்டு தான் இருப்பார்கள். அதுபோல, ஆஸ்திரேலியா வீரர் பிலிப் ஹுக்ஸ் இருந்தபொழுது கிவி அணி ஸ்தம்பித்து போனது. அவருக்கு மரியாதை செலுத்தும் விதமாக அன்றைய தினம் நடந்த டெஸ்ட் போட்டியில் எந்த ஒரு விக்கெட்டிற்கும் கொண்டாடவில்லை. மேலும் வெற்றி பெற்ற போதும் கூட கொண்டாடவில்லை. இது கிரிக்கெட் ரசிகர்களால் மிகவும் மதிக்கப்பட்டது. 4. நேர்மையான முறையில் கில்கிறிஸ்ட் வெளியேறியது எந்த ஒரு வீரரும் அணியின் வெற்றிக்காக போராடுவர். அதிலும் உலககோப்பை என்றால் கூடுதல் கவனம் இருக்கும். ஆஸ்திரேலியா லெஜெண்ட் கில்கிறிஸ்ட் உலகக்கோப்பை அரையிறுதியில் இலங்கைக்கு எதிரான போட்டியில் விக்கெட்டுக்கு தீவிரமாக முறையிட நடுவர் கொடுக்கவே இல்லை. ஆனால் கில்கிறிஸ்ட் நேர்மையான முறையில் ஒப்புக்கொண்டு வெளியேறினார். இது இலங்கை வீரர்களை மிகவும் ஆச்சர்யப்படுத்தியது. ஆனால் ரசிகர்களுக்கு மிகவும் நெகிழ்ச்சி படுத்தியது. 5. தோனி இயன் பெல்லை திரும்ப பேட் செய்ய அழைத்தது.. https://youtu.be/hFpSoRlpyMo போட்டியின் நடுவில் டீ பிரேக் என தவறுதலாக நினைத்து வெளியேற, நடுவர் அப்படி எதுவும் தெரிவிக்காததால் இந்திய அணி அப்பீல் செய்ய அவுட் என அறிவிக்கப்பட்டார். பின்பு இங்கிலாந்து கேப்டன் ஆண்ட்ரே ஸ்டராஸ் கேட்டுக்கொண்டதன்படி, தோனி அப்பீல் திரும்ப பெற்றுக்கொண்டார் 6. குர்ட்னி வால்ஸ் ரன் அவுட் செய்யாமல் விட்டது... 1987ம் ஆண்டு உலககோப்பையில் பாக்கிஸ்தான் வெஸ்ட் இண்டீஸ் அணிகள் மோதின. இதில், கடைசியில் 2 ரன்கள் எடுக்க வேண்டும் என்ற நிலையில் குர்ட்னி பது வீசும் பொழுது, மறுமுனையில் இருந்த ஜாபர் பந்து வீசும் முன்னமே ஓட துவங்கிவிட்டார். குர்ட்னி நினைத்தால் ரன் அவுட் செய்திருக்கலாம். ஆனால், இது நியாயமானதாக இருக்காது என அப்படியே விட்டுவிட பாக்கிஸ்தான் இறுதி போட்டிக்கு சென்றது. 7. ப்ரெட்லீயின் மன்னிப்பை ஏற்றுக்கொண்ட சச்சின். https://youtu.be/NAOf7NytzAg சச்சினின் சாதனைகளையும் குணத்தையும் நான் அனைவரும் அறிந்ததே. ஒருநாள் போட்டியில், ப்ரெட்லீ வீசிய பந்து தாறுமாறாக சச்சினை பதம் பார்த்தது. இதற்கு ப்ரெட்லீ கை நழுவி வந்தது என தெரிவித்தாலும், மன்னிப்பு கேட்க சச்சின் சிரிப்புடன் ஏற்றுக்கொண்டார் 8. ரன் அவுட் அப்பீலை திரும்ப பெற்ற டானியல் வெட்டோரி ஜிம்பாப்வே நியூசிலாந்துக்கு இடையே நடந்த போட்டியில், ரன் ஒடுகையில் வெட்டோரியும் ஜிம்பாப்வே வீரர் வல்லேரும் மோதிக்கொண்டன. இதனால் எல்லையை கடக்க முடியாமல் ரன் அவுட் செய்யப்பட்டார். ஆனால் வெட்டோரி ரன் அவுட் அப்பீலை திரும்ப பெற்றுக்கொண்டார். இது அனைவராலும் பாராட்டப்பட்டது 9. போட்டியின் நடுவே கவாஸ்கருக்கு உதவிய ரோஹன் கன்ஹை விளையாடும் வீரர் விளையாட்டின் நடுவிலேயே எதிரணி வீரருக்கு கற்றுக்கொடுக்கும் நிகழ்வை இதுவரை எவரும் கண்டது உண்டா? ஆம், வெஸ்ட் இண்டீஸ் வேகப்பந்து வீச்சாளர்களிடம் மிகவும் சிரமப்பட்டு கொண்டிருந்த சுனில் கவாஸ்கருக்கு ரோஹன் கன்ஹை போட்டியின் நடுவிலேயே கற்று கொடுத்தார். கவாஸ்கர் ரோஹனின் மிகப்பெரிய ரசிகர். இதனால் தனது மகனுக்கு கூட இவரின் பெயரை சூட்டினார். 10. இந்தியன் கேப்டன் எதிரணிக்கு கொடுக்கப்பட்ட தவறான முடிவை திரும்ப பெற்றார். இதுபோன்ற சம்பவம் இனி எங்கும் நடக்காது என்று தான் கூற வேண்டும். பாப் டெய்லர் அவுட் என நடுவர் தீர்ப்பு சொல்ல, உடனடியாக இந்தியன் கேப்டன் விஸ்வநாத் பாப் டெய்லரிடம் சென்று இதுகுறித்து கேட்கையில், இல்லை படவில்லை என கூற. விஸ்வநாத் நடுவரிடம் பேசி அவுட் என கூறியதை திரும்ப பெற செய்தார். இது அனைவராலும் பாராட்டப்பட்டது. 11. குலசேகரா வெளியேற்றம் 2015ம் ஆண்டு உலகக்கோப்பை காலிறுதி போட்டியில் தென்னாபிரிக்கா வீர்ரகள் அப்பீல் செய்தபோது நாட் அவுட் என கொடுக்க பட்டார். மறு முறையீடு செய்ய அந்த அணிக்கு ரெவியூ இல்லை. இப்படி இருக்க, குலசேகரா நினைத்திருந்தால் ஆட்டத்தை தொடர்ந்திருக்கலாம், அப்படி செய்யாமல் நேர்மையாக வெளியேறினார். இவர் கடைசி நேரத்தில் அதிரடியாக ஆடி அணிக்கு நல்ல ஸ்கோர் பெற்று தருபவர். இருந்தபோதிலும் இவ்வாறு நேர்மையாக வெறியேறியது. இலங்கைக்கும் இவருக்கும் மிகுந்த பாராட்டு பெற்று தந்தது. 12. ஷாஹித் அப்ரிடி மன்னித்த விதம் https://youtu.be/SZSxUiuJCC0 நியூசிலாந்துக்கு எதிரான போட்டியில் ஜேக்கப் ஓரம் வீசிய பந்து அப்ரிடியின் தோள்பட்டையில் பெரிதாக தாக்கியது. எப்பொழுதும் கோபக்காரராகவும் ஆக்ரோஷமாகவும் இருக்கும் அப்ரிடி. இந்த முறை, ஓரம் கேட்ட மன்னிப்பை ஏற்றுக்கொண்டு அடுத்த பந்தை பிடிக்க தயாரானார். இந்த நிகழ்வின் போது அவரின் ஸ்போர்ட்ஸ்மேன்ஷிப் எப்படி என அனைவருக்கும் தெரியவந்தது. 13. இலங்கை வீரர்களுக்கு மரியாதை செலுத்திய தென்னாபிரிக்கா வீரர்கள் (Photo Source: Getty Images) 2015ம் ஆண்டு உலகக்கோப்பை காலிறுதிபோட்டியில் தென்னாபிரிக்கா அணி தோற்றுவிடும் என எதிர்பார்த்த நிலையில், கடைசி நிமிடத்தில் போராடி வென்றது. வென்ற களிப்பில் அப்படியே செல்லாமல் டி காக் சங்ககராவிடம் சென்று கட்டி அரவணைத்தார். டி வில்லியர்ஸ் ஜெயவர்தனேவிடம் சென்று ஆறுதல் கூறினார். ஏனெனில், இவர்கள் இருவருக்குமே இது தான் கடைசி போட்டி. இதன்பின் இவர்கள் ஓய்வு பெறுகின்றனர்.

Leave a comment