இலங்கைக்கு எதிரான மூன்று போட்டிகள் கொண்ட டெஸ்ட் தொடரில் சிறப்பாக விளையாடி தவான், லோகேஷ் ராகுல் மற்றும் குல்தீப் யாதவ் ஆகியோர் தரவரிசையில் முன்னேற்றம் அடைந்துள்ளனர்.
இலங்கைக்கு எதிராக மூன்று போட்டிகள் கொணட டெஸ்ட் தொடரை இந்தியா 3-0 எனக் கைப்பற்றியது. இந்த மூன்று டெஸ்டில் இரண்டு சதங்கள் உள்பட 358 ரன்கள் குவித்தார் தவான். இதனால் தரவரிசையில் 10 இடங்கள் முன்னேறி 28-வது இடத்தைப் பிடித்துள்ளார்.
2-வது மற்றும் 3-வது டெஸ்டில் அரைசதம் அடித்ததன் மூலம் லோகேஷ் ராகுல் 9-வது இடத்தை பிடித்துள்ளார். ஏற்கனவே இதற்குமுன் 9-வது இடத்தை பிடித்திருந்தார். தற்போது மீண்டும் 9-வது இடத்திற்கு முன்னேறியுள்ளார்.
96 பந்தில் 108 ரன்கள் குவித்த ஹர்திக் பாண்டியா 45 இடங்கள் முன்னேறி 68-வது இடத்தைப் பிடித்துள்ளார்.
பந்து வீச்சாளர்கள் தரவரிசையில் மொகமது ஷமி ஒரு இடம் முன்னேறி 19-வது இடத்தையும், உமேஷ் யாதவ் ஒரு இடம் முன்னேறி 21-வது இடத்தையும் பிடித்துள்ளனர். குல்தீப் யாதவ் 29 இடங்கள் முன்னேறி 58-வது இடத்தை பிடித்துள்ளார்.
