ஐ.பி.எல் 2018 ; 8 அணிகளும் ஒரு பார்வை !! - Page 7 of 8

ஐ.பி.எல் 2018 ; 8 அணிகளும் ஒரு பார்வை உள்ளூர் டி.20 தொடரான ஐ.பி.எல் தொடர் இந்தியாவில் ஆண்டுதோறும் மிக பிரமாண்டமாக நடத்தப்பட்டு வருகிறது. இதில் இந்த ஆண்டுக்கான தொடர் வரும் ஏப்ரல் மாதம் 6ம் தேதி துவங்க உள்ள நிலையில், இதில் பங்கேற்கும் வீரர்களுக்கான ஏலம் ஜனவரி 27 மற்றும் 28ம் தேதி பெங்களூரில் நடைபெற்றது. இந்த ஏலத்தின் மூலம் புதிதாக உருவாகியுள்ள அணிகளின் பலம் மற்றும் பலவீனம் குறித்து இங்கு பார்ப்போம். டெல்லி டேர்டெவில்ஸ்; கடந்த தொடரில் ஜாஹிர் கான் தலைமையில் விளையாடிய இளம் வீரர்களின் பட்டாளமான டெல்லி டேர்டெவில்ஸ் அணி, இந்த முறை காம்பீர் தலைமையில் களம் காண்கிறது. கடந்த தொடர்களில் சொல்லிக்கொள்ளும் அளவிற்கு செயல்படாத டெல்லி அணி, இந்த முறை வலுவான அணியை கட்டமைத்துள்ளது என்பதே உண்மை. இருந்தாலும் வெளிநாட்டு பேட்ஸ்மேன்கள் யாரும் சொல்லிக்கொள்ளும் அளவிற்கு டெல்லி அணியில் இல்லை. ரேட்டிங் 8.5 / 10 கிங்ஸ் லெவன் பஞ்சாப் ; கடந்த தொடரில் மேக்ஸ்வெல் தலைமையில் விளையாடிய பஞ்சாப் அணி இந்த முறை யாரை கேப்டனாக நியமிக்கப்போகிறது என்பது தெரியவில்லை. யுவராஜ் சிங் அல்லது அஸ்வின் கேப்டனாக நியமிக்கப்பட வாய்ப்பு உள்ளதாக தெரிகிறது. பேட்டிங்கில் இந்த முறை போதிய பலம் பெற்றுள்ள பஞ்சாப் அணிக்கு, பவுலிங்கில் சற்று பின்னடைவையே சந்திக்கும் என்பது கிரிக்கெட் வல்லுநர்கள் கருத்து. ரேட்டிங் 7/10 சன் ரைசர்ஸ் ஹைதரபாத் ; பேட்டிங்கில் வார்னர் போன்ற அதிரடி வீரர்களும், பவுலிங்கில் ரசித் கான், புவனேஷ்வர் குமார் போன்ற வீரர்கள் இருந்தாலும், சொல்லிக்கொள்ளும் அளவிற்கு ஆல் ரவுண்டர்கள் யாரும் ஹைதரபாத் அணியில் இல்லாதது அந்த அணிக்கு சற்று பின்னடைவாகவே கிரிக்கெட் வல்லுநர்கள் கருதுகின்றனர். ரேட்டிங் – 8/10 கொல்கத்தா நைட் ரைடர்ஸ் ; கடந்த தொடர்களில் அணியை கெத்தாக வழிநடத்திய கவுதம் காம்பீரையே கொல்கத்தா அணி இந்த முறை கழட்டிவிட்டது. இந்த முறையும் பந்துவீச்சில் முழு பலத்துடன் இருந்தாலும், பேட்டிங்கில் போதிய பலம் இல்லாமலே இருக்கின்றனது. மேலும் கொல்கத்தா அணியின் கேப்டனாக யார் நியமிக்கப்படுவார்கள் என்பதும் தெரியவில்லை. ரேட்டிங் - 5/10 ராஜஸ்தான் ராயல்ஸ் ; ராஜஸ்தான் ராயல்ஸ் அணி ஸ்டோக்ஸ், உனாட்கட் உள்ளிட்ட வீரர்களை கோடி கோடியாய் கொட்டி தனது அணியில் எடுத்து கொண்டாலும், பேட்ஸ்மேன்கள் மற்றும் சுழற்பந்து வீச்சாளர்களில் ஒரிரு வீரர்களை தவிர மற்ற வீரர்கள் சொல்லிக்கொள்ளும் அளவிற்கு இல்லை. ரேட்டிங் 7 / 10 ராயல் சேலஞ்சர்ஸ் பெங்களூர்; கோஹ்லி தலைமையிலான பெங்களூர் அணி, ஒவ்வொரு ஆண்டும் தலை சிறந்த வீரர்களை வைத்தே விளையாடி வந்தாலும் இதுவரை பெங்களூர் அணியால் ஒரு கோப்பையை கூட வெல்ல முடியவில்லை. இதற்காகவே இந்த முறை கெய்ல் உள்ளிட்ட வீரர்களை கழட்டிவிட்டு இளம் வீரர்கள் பலரை இந்த முறை தனது இணைத்துள்ளது. குறிப்பாக பெங்களூர் அணியில் தான் இந்தியாவின் இளம் வீரர்கள் பலர் இடம்பெற்றுள்ளனர். ரேட்டிங் 9 /10 மும்பை இந்தியன்ஸ் அணி; சில வீரர்களை கழட்டிவிட்டு இஷான் கிஷான், முஸ்தபிகுர் ரஹீம் உள்ளிட்ட பல இளம் வீரர்களை இந்த முறை தனது அணியில் எடுத்துள்ளது. பவுலிங் மற்றும் பேட்டிங்கில் அபார போதிய பலத்துடனே மும்பை இந்தியன்ஸ் அணியும் இந்த முறை களம் காண உள்ளது. ரேட்டிங் – 9 / 10 சென்னை சூப்பர் கிங்ஸ்; இந்திய கிரிக்கெட் அணியின் முன்னாள் கேப்டனான தோனி தலைமையிலான சென்னை சூப்பர் கிங்ஸ் அணி, தனது அணியில் தோனி, ஜடேஜா மற்றும் ரெய்னாவை தக்க வைத்து கொண்டு ஏலத்தில் களமிறங்கியது. இதில் டூபிளசிஸ், பிரவோ, உள்ளிட்ட வீரர்களை மீண்டும் தனது அணியில் எடுத்து கொண்டு, பேட்டிங் மற்றும் பவுலிங்கில் போதிய பலம் பொருந்திய அணியாகவே மீண்டும் உருவெடுத்துள்ளது. ரேட்டிங் – 9 / 10 ரசிகர்கள் என்ன தான் சென்னை சூப்பர் கிங்ஸ் அணியில் எடுக்கப்பட்ட வீரர்களின் வயதை வைத்து கிண்டலடித்தாலும், போட்டியில் வெற்றி பெறுவதற்கு இளம் துடிப்பு மட்டும் போதாது, அனுபவமும் நிச்சயம் தேவை என்பதை நமக்கு முந்தையை தொடர்கள் கற்று கொடுத்துள்ளன.

மும்பை இந்தியன்ஸ் அணி;

Leave a comment