ஒருநாள் அரங்கில் அதிகமுறை 150 ரன்களை கடந்த இந்திய வீரர்கள் பட்டியல் !!

ஒருநாள் அரங்கில் அதிகமுறை 150 ரன்களை கடந்த இந்திய வீரர்கள் பட்டியல் தென் ஆப்ரிக்கா சென்றுள்ள இந்திய கிரிக்கெட் அணி, தென் ஆப்ரிக்காவுடன் மூன்று டெஸ்ட் போட்டிகள் கொண்ட தொடரில் பங்கேற்றுள்ளது. இந்த தொடரில் நேற்று நடைபெற்ற இரு அணிகள் இடையேயான மூன்றாவது ஒருநாள் போட்டியில் இந்திய அணியின் கேப்டன் விராட் கோஹ்லி 160 ரன்கள் அடித்து இந்திய அணியின் வெற்றிக்கு உதவினார். இது மட்டுமல்லாமல் இந்த ஒரே போட்டியில் பல்வேறு சாதனைகளையும் நிகழ்த்தியுள்ளார். இதே போல் சர்வதேச ஒருநாள் போட்டிகளில் இந்திய அணிக்காக அதிகமுறை 150 ரன்கள் கடந்த வீரர்கள் பட்டியலை இங்கு பார்போம்.. விரேந்திர சேவாக்.. இந்திய கிரிக்கெட் அணியின் முன்னாள் அதிரடி ஆட்டக்காரரான சேவாக், சர்வதேச ஒருநாள் போட்டிகளில் இந்திய அணிக்காக 2 முறை 150 ரன்களுக்கு மேல் எடுத்துள்ளார். சவுரவ் கங்குலி; இந்திய கிரிக்கெட் அணியின் முன்னாள் கேப்டனான சவுரவ் கங்குலியும் சேவாக்கை போன்றே சர்வதேச ஒருநாள் போட்டிகளில் இந்திய அணிக்காக 2 முறை 150 ரன்களை கடந்துள்ளார். கவுதம் காம்பீர்., இந்திய அணியின் சீனியர் வீரர்களில் ஒருவரான கவுதம் காம்பீரும், 2 முறை 150 ரன்களை கடந்து இந்திய அணிக்கு கை கொடுத்துள்ளார். இதே போன்று இந்திய அணியை பல இக்கட்டான நிலையில் வெற்றி பெற வைத்து, தன் வசம் பல்வேறு சாதனைகளை வைத்திருக்கும் காம்பீரை ஏன் இந்திய அணி நீண்ட காலமாக புறக்கணித்து வருகிறது என்பதே அனைவரின் கேள்வியுமாக உள்ளது. விராட் கோஹ்லி.. இந்திய கிரிக்கெட் அணியின் தற்போதைய கேப்டனான விராட் கோஹ்லி, தென் ஆப்ரிக்கா அணியுடனான மூன்றாவது ஒருநாள் போட்டியில் அடித்ததையும் சேர்த்து இதுவரை மொத்தம் 3 முறை 150 ரன்களை கடந்துள்ளார். சச்சின் டெண்டுல்கர்; கிரிக்கெட் உலகின் கடவுள் என்றே ஒரு காலத்தில் போற்றப்பட்ட முன்னாள் வீரர் சச்சின் டெண்டுல்கர், சர்வதேச ஒருநாள் அரங்கில் இதுவரை இந்திய அணிக்காக 5 முறை 150 ரன்களை கடந்துள்ளார். ரோஹித் சர்மா; தென் ஆப்ரிக்கா அணியுடனான நடப்பு தொடரில் ரோஹித் சர்மா தொடர்ந்து சொதப்பினாலும், ஒருநாள் போட்டிகளில் சாதனைகள் நாம் அறிந்ததே. இவர் சச்சின் டெண்டுல்கரை போலவே இந்திய அணிக்காக இதுவரை மொத்தம் 5 முறை 150 ரன்களை கடந்துள்ளார். இதில் மூன்று இரட்டை சதங்களும் அடங்கும்.

விராட் கோஹ்லி..

Leave a comment